Myrfiol
| Myrfiol | ||
|
| ||
| Systematikk | ||
| Domene: | Eukaryota | |
| Rike: | Plantae | |
| Klasse: | Eudicotyledonae | |
| Orden: | Malpighiales | |
| Familie: | Violaceae | |
| Slekt: | Viola | |
| Art: | V. palustris | |
| Vitskapleg namn | ||
| Viola palustris | ||
Myrfiol (Viola palustris) er ein art i fiolfamilien og har ei sirkumboreal utbreiing. Planta er vanleg over heile Noreg og veks på fuktige stader både i låglandet og til fjells.
Myrfiol er ein fleirårig urt med lange krypande jordstenglar. Blada sit samla i ein rosett. Bladskiva er glatt og nyreliknande utan tydeleg spiss. Blomstane står på 5-10 cm høge skaft direkte frå jordstilken og vert opp til 1,5 cm lange. Blomsterstilkane har to små bleike blad som sit fast ved eller nedom midten. Kronblada er bleikt gråfiolette med mørke årar. To av kronblad peikar opp, dei tre andre nedover. Frukta er ein glatt og noko trekanta kapsel som sit på eit oppoverretta skaft. Kapselen opnar seg eksplosjonsaktig. Myrfiolen blomstrar i mai-juni i låglandet, til fjells i juni-juli.
Kjelder
endre- Denne artikkelen bygger på «Kärrviol» frå Wikipedia på svensk, den 9. januar 2014.
- Floraen i farger, Aschehoug, 3. opplag, 1970.
Bakgrunnsstoff
endre
Wikimedia Commons har multimedia som gjeld: Myrfiol