Næringslivets Hovedorganisasjon
Næringslivets Hovedorganisasjon (NHO) er ein landsomfattande interesseorganisasjon som arbeider for å styrke konkurranseevna til norsk næringsliv. Medlemmene er næringslivsføretak med verksemd i Noreg.
| Næringslivets Hovedorganisasjon | |||
 | |||
| Type | forening/lag/innretning | ||
|---|---|---|---|
| Org.nummer | 955600436 | ||
| Skipa | 28. november 1988 | ||
| Hovudkontor | Oslo | ||
| Leiar | Svein Tore Holsether | ||
| Nettstad | https://www.nho.no/  | ||
Historie
endreNHO vart stifta 1. januar 1989, då dei tre organisasjonane Norges Arbeidsgiverforening (N.A.F.), Norges Industriforbund (NI) og Norges Håndverkerforbund (NH) vedtok å slå seg saman. Før etableringa av NHO hadde N.A.F hovudansvaret for arbeidsgjevarfunksjonane, medan NI og NH arbeidde med næringspolitiske spørsmål. Den nye organisasjonen var frå starten av landsomfattande.
Dagens situasjon
endreNHO er den største interesseorganisasjonen for norske verksemder. Det er hovudsakleg verksemder i den private sektoren som kan bli medlem i NHO. Statelege og kommunale føretak kan berre bli medlemmer om dei arbeider under vanlege konkurransemessige vilkår. Medlemskontingenten utgjer 1,25 promille av lønsutbetalingane den einskilde verksemda har per år, med eit minstebeløp på 500 kr. Organisasjonen har i dag ca. 20 000 medlemmer, og dei fleste finst blant små og mellomstore føretak. Medlemsbedriftene har totalt ca. 508 000 arbeidsplassar, og samla bidreg NHOs medlemsbransjer med ca. 40 % av den økonomiske verdiskapinga. Lokalt er arbeidet organsiert med 15 regionforeiningar.
NHO sitt arbeid
endreNHO tek opp næringspolitiske saker som medlemsbedriftene er opptekne av. NHO gjennomfører tarifforhandlingar med arbeidstakerorganisasjonane (til dømes Landsorganisasjonen) på vegner av medlemsbedriftene. NHO gjev medlemsbedriftene advokathjelp ved tvistar om arbeidsrettslige spørsmål.
Landsforeiningar i NHO
endreDet er 21 landsforeiningar i NHO, og desse dekkjer ulike bransjar.
- Abelia
- Bensinforhandlernes Bransjeforening (BBF)
- Byggenæringens Landsforening (BNL)
- Energi Norge
- Fiskeri- og Havbruksnæringens Landsforening (FHL)
- Logistikk- og transportindustriens Landsforening (LTL)
- Mediebedriftenes Landsforening (MBL)
- NHO Håndverk
- NHO Idrett
- NHO Grafisk
- NHO Luftfart
- NHO Mat og Bio
- NHO Mat og drikke
- NHO Reiseliv
- NHO Service
- NHO Transport
- Norges Bilbransjeforbund (NBF)
- Norsk Industri
- Norsk Teknologi
- Oljeindustriens Landsforening (OLF)
- Rederienes Landsforening (RLF)
Kjelder
endre- Denne artikkelen bygger på «Næringslivets Hovedorganisasjon» frå Wikipedia på bokmål, den 14. mai 2010.
