Noregs vassdrags- og energidirektorat
Noregs vassdrags- og energidirektorat (NVE) er ein norsk statleg etat underlagt Olje- og energidepartementet. NVE har ansvar for å forvalte vass- og energiressursane i Noreg. NVE varetek også dei statlege forvaltingsoppgåvene innanfor skredførebygging.
| Noregs vassdrags- og energidirektorat | |
 | |
| Selskapsform | organisasjonsledd  |
|---|---|
| Org.nr. | 970 205 039 |
| Skipa | 1921 |
| Bransje | directorate |
| Land | Noreg |
| Hovudkontor | Oslo |
| Nettstad | https://www.nve.no |
NVEs oppgåverEndra
NVE har ansvar for å:
- sikre ei samla og miljøvenleg forvalting av vassdraga
- fremje ein effektiv kraftomsetnad, kostnadseffektive energisystem
- bidra til ein effektiv energibruk
- gjere samfunnet betre rusta til å handtere flaum- og skredfare
- ha ei sentral rolle i beredskapen for ras, flaum og ulykker i vassdraga
- leie den nasjonale beredskapen på kraftforsyning
- behandle søknader om konsesjon for bygging av kraftstasjonar, kraftlinjer, transformatorar og andre installasjonar i kraftforsyninga, og regulering av vassdrag.
- arbeide både med endringar som bidreg til å redusere klimagassutsleppa og til å tilpasse samfunnet til klimaendringane
I tillegg er NVE engasjert i forskings- og utviklingsarbeid, internasjonalt utviklingsarbeid og er nasjonal faginstitusjon for hydrologi.
Direktoratet blei skipa i 1921.[1] Noverande vassdrags- og energidirektør er Kjetil Lund (2019). Han overtok etter Per Sanderud (2011–2019) og før dette var Agnar Aas direktør.
Reguleringsmyndigheita for energi (RME)Endra
RME,[2] tidlegare ei avdeling i NVE, elmarknadstilsynet, er no nasjonal reguleringsmyndigheit for kraftmarknad og nettsystem i Noreg. RME er frå 1. november 2019 ei eiga eining, utpeika av OED. RME skal utføre oppgåvene som uavhengig reguleringsmyndigheit for elektrisitets- og gassmarknaden, og ha ansvaret for effektiv regulering av kraftnettselskapa, føre tilsyn med at kraftmarknaden er velfungerande og skal ta hand om straumbrukarane sine interesser.
KjelderEndra
- ↑ «Om NVE», nve.no
- ↑ «Reguleringsmyndigheten», www.nve.no, henta 24. november 2019
