Nina Ponomarjova
Nina Apollonovna Ponomarjova[a] (fødd Nina Romasjkova, 27. april 1929–19. august 2016)[1] var ein sovjetisk-ukrainsk diskoskastar frå Sverdlovsk, som i 1952 vart den fyrste sovjetiske olympiameisteren. Ho vart olympisk meister i diskosøvinga i 1952 og 1960 og europameister i 1954.
| Nina Ponomarjova | |
 | |
| Statsborgarskap | Sovjetunionen, Russland |
| Fødd | 27. april 1929 Nizjnij Tagil |
| Død |
19. august 2016 (87 år) |
| Yrke | friidrettsutøvar, friidrettstrener |
| Språk | russisk |
| Høgd | 173 centimeter |
| Nina Ponomarjova på Commons | |
Aktiv
endreDen 20. juli 1952 vann Nina Romasjkova den fyrste olympiske gullmedaljen for Sovjetunionen då ho kasta diskosen 51,42 m under sommar-OL i Helsingfors. Etter sommarleikane forbetra ho i Odessa verdsrekorden til 53,61 m den 9. august.
I 1954 vart Ponormajova europameister i diskoskast i europameisterskapen i Bern med 48,02 m. To år seinare tok ho bronsemedaljen i dei olympiske leikane i Melbourne med 52,02 m, småskadd og nesten utrena.
Under sommarolympiaden 1960 i Roma vann Ponomarjova si andre olympiske gullmedalje i diskoskasting. Vinnarkastet målte 55,10 meter. Ho kom så på sjetteplass i friidretts-EM 1962 i Beograd, og vart nummer 11 under sommarleikane i Tokyo i 1964.
Merknadar
endre- ↑ Russisk skrift Нина Аполлоновна Пономарёва
Kjelder
endre- ↑ Grimes, William (23. august 2016). «Nina Ponomareva, Soviet Olympian Who Set Off a Diplomatic Crisis, Dies at 87» (på engelsk). The New York Times. Henta 22. januar 2017.
- Denne artikkelen bygger på «Nina Apollonowna Ponomarjowa» frå Wikipedia på tysk, den 28. august 2014.