Beograd
| Београд | |||
|---|---|---|---|
| Andre namn | Tidlegare Belgrad ungarsk Belgrád, latin Singidunum | ||
 | |||
| |||
| Styresmakter | |||
| Land Region Distrikt |
Serbia Sentral-Serbia Beograd by | ||
| Grunnlagd Byrettar |
260 f.Kr. 150 e.Kr. | ||
| Borgarmeister | Zoran Radojičić 
| ||
| Geografi | |||
| Flatevidd - By - Urbant |
3222,68 km² 359,96 km² | ||
| Innbyggjarar[1] - By (2009) - Byområde |
1 670 000 1 281 801 | ||
| Koordinatar | Koordinatar: | ||
| Høgd over havet | 117 m | ||
| Diverse anna | |||
| Postnummer | 11000 | ||
| Telefon-retningsnummer | (+381) 11 | ||
| Bilnummer | BG | ||
| Nettstad: www.beograd.rs | |||
Beograd er hovudstad og største by i Serbia. Byen ligg der Sava munnar ut i Donau, og der Den pannoniske sletta og Balkanfjella. Beograd har om lag 1,67 millionar innbyggjarar (2007).[2] Han er òg den fjerde største byen i Søraust-Europa etter Istanbul, Aten og Bucuresti.
Beograd har status som ei eiga eining i Serbia med eit sjølvstyrt bystyre.[3] Byområdet er delt inn i 17 kommunar, som kvart har sitt eige kommunestyret.[4] Byområdet dekkjer 3,6 % av Serbia og 24 % av alle innbyggjarane i landet lever her.[5] Beograd er det økonomiske senteret i Serbia og hovudstaden for serbisk kultur, utdanning og vitskap.
Namnet til byen er sett saman av to delar: Beo- kjem av belo og betyr kvit, hrád er slavisk for borg.
I Beograd sit ein serbisk-ortodoks patriark og ein romersk-katolsk erkebiskop.
HistorieEndra
Beograd er ein av dei eldste byane i Europa med arkeologiske spor som går tilbake til 500-talet f.Kr.,[6] Byen vart oppdaga av grekarar,[7] og grunnlagd av keltarar.[8] Han fekk byrettar av romarane[9] før han vart permanent busett av serbarar frå 600-talet og framover. Med den strategiske plasseringa har byen vorte kjempa om over 140 gonger sidan antikken.[10] I mellomalderen høyrte han til Austromarriket, Frankarriket, Kongedømet Ungarn og serbiske herskarar. I 1521 vart Beograd erobra av Det osmanske riket og vart sete for Pashaluken Beograd, som den viktigaste osmanske byen i Europa[11] og av dei største europeiske byane.[12] Serbarane fekk igjen kontroll over byen i 1841 etter den serbiske revolusjonen. Det nordlege Beograd vart likevel verande ein austerriksk utpost fram til Austerrike-Ungarn braut saman i 1918. Den samla byen vart då hovudstad i fleire utgåver av Jugoslavia, fram til 2006, då Serbia igjen vart ein eigen sjølvstendig stat. Etter dette har byen opplevd stor kulturell og økonomisk vekst.[13][14]
KommunarEndra
| Namn | Areal (km²) | Folketal (1991) | Folketal (2002) | Status | |
|---|---|---|---|---|---|
| Barajevo | 213 | 20 846 | 24 641 | Forstad | |
| Čukarica | 156 | 150 257 | 168 508 | By | |
| Grocka | 289 | 65 735 | 75 466 | Forstad | |
| Lazarevac | 384 | 57 848 | 58 511 | Forstad | |
| Mladenovac | 339 | 54 517 | 52 490 | Forstad | |
| Novi Beograd | 41 | 218 633 | 217 773 | By | |
| Obrenovac | 411 | 67 654 | 70 975 | Forstad | |
| Palilula | 451 | 150 208 | 155 902 | By | |
| Rakovica | 31 | 96 300 | 99 000 | By | |
| Savski Venac | 14 | 45 961 | 42 505 | By | |
| Sopot | 271 | 19 977 | 20 390 | Forstad | |
| Stari Grad | 5 | 68 552 | 55 543 | By | |
| Surčin | 285 | Del av Zemun til 2004 | 55 000 (est.) | Forstad | |
| Vozdovac | 148 | 156 373 | 151 768 | By | |
| Vračar | 3 | 67 438 | 58 386 | By | |
| Zemun | 154 | 176 158 | 136 645 | By | |
| Zvezdara | 32 | 135 694 | 132 621 | By | |
| TOTAL | 3227 | 1 552 151 | 1 576 124 | ||
| Kjelde: Statistical Office of the Republic of Serbia | |||||
KulturEndra
Beograd ligg sentralt til og er derfor eit av dei travlaste transportknutepunkta i Europa. Byen er kjent for å vere den mest livlege i regionen og ber på utrykket «der alt skjer». Beograd har eit livleg nattelivet og mange kjem hit i helgene.
Beograd vart kåra som framtida sin europeisk by i Aust-Europa av Foreign Direct Investment. I ei undersøking har òg The New York Times kåra Beograd til ein av dei beste europeiske hovudstadane.
Kjende personar frå BeogradEndra
- Nikola Tesla (1856–1943), oppfinnar
- Ivo Andrić (1892–1975), forfattar
- Zoran Đinđić (1952–2003), politikar
- Filip Vujanović (fødd 1954), montenegrinsk politikar
- Boris Tadić (fødd 1958), politikar
- Željko Joksimović (fødd 1972), songar, låtskrivar og musikkprodusent
- Dušan Petković (fødd 1974), fotballspelar
- Novak Đoković (fødd 1987), tennisspelar
KjelderEndra
- Delar av denne artikkelen bygger på «Belgrade» frå Wikipedia på engelsk, den 21. mars 2009.
- Wikipedia på engelsk oppgav desse kjeldene:
- ↑ https://web.archive.org/web/20111007084751/https://zis.beograd.gov.rs/upload/G_2009S.pdf (serbisk)
- ↑ Statistički godišnjak Beograda (PDF), Zavod za informatiku i statistiku Grada Beograda, 2007, s. 64, arkivert frå originalen (PDF) 17. desember 2008, henta 21. mars 2009
- ↑ Assembly of the City of Belgrade, Official website, henta 21. mars 2009
- ↑ Urban Municipalities, Official website, henta 10. juli 2007
- ↑ 2005 Municipal indicators of Republic of Serbia, Statistical Office of the Republic of Serbia, arkivert frå originalen 12. februar 2009, henta 17. mai 2007
- ↑ Discover Belgrade; Beograd, hovudstad Arkivert 2008-03-13 ved Wayback Machine.
- ↑ http://p104.ezboard.com/Skordiski/fistorijabalkanafrm27.showMessage?topicID=209.topic[daud lenkje]
- ↑ http://www.qtours.dk/index.php?option=com_content&task=view&id=54&Itemid=97
- ↑ The City in Late Antiquity av John Rich
- ↑ http://www.timesonline.co.uk/tol/travel/holiday_type/music_and_travel/article4385812.ece
- ↑ arkivkopi, arkivert frå originalen 24. januar 2015, henta 21. mars 2009
- ↑ http://www.beograd.rs/cms/view.php?id=201251
- ↑ http://www.beobuild.rs/projects.php
- ↑ arkivkopi, arkivert frå originalen 12. juli 2010, henta 21. mars 2009
BakgrunnsstoffEndra
- Offisiell nettstad
- Belgrade Inside Out Arkivert 2006-01-14 ved Wayback Machine.