Niokolo-Koba nasjonalpark
Niokolo-Koba nasjonalpark ligg søraust i Senegal, på grensa til Guinea. Parken omfattar 913 000 hektar. Han blei freda som viltreservat i 1926, som nasjonalpark i 1954 og utvida fire gongar på 1960-talet. Han har vore rekna som verdsarvområde sidan 1981.
 | |||
| Land | Senegal | ||
|---|---|---|---|
 | Innskriven ved UNESCOs 5. sesjon i 1981. Referansenr. 153. | ||
| Kriterium: | X | ||
| Sjå òg | Verdsarvstader i Afrika | ||
| Bakgrunnsstoff | Niokolo-Koba nasjonalpark ved unesco.org | ||
Parken ligg på ein elveslette med høgder på opptil 200 moh, på begge sidene av Gambiaelva, som dekkjer elveslettene i flaumperiodar. Landskapet er prega av savannar og noko skog. Parken har eit rikt dyreliv, med elefantar, løver, leopardar, sjimpansar, bavianar, flodhestar og den store kjempeelanden (Taurotragus derbianus).
I 2007 blei parken oppført på lista over truga verdsarvstader, på grunn av krypskytteri og planar om å bygga ein dam oppstraums for parken som ville forstyrra dei regelmessige flaumane som er ein føresetnad for økosystemet.
Kjelder
endre- Denne artikkelen bygger på «Niokolo-Koba nasjonalpark» frå Wikipedia på bokmål, den 26. mars 2023.