Noginsk

Noginsk (russisk Ногинск) er ein by i Moskva oblast i Russland med om lag 115 000 innbyggjarar. Han ligg rundt 30 km aust for Moskva.

Noginsk Ногинск
Horisonten til Noginsk
Byvåpenet til Noginsk
Plassering
Styresmakter
Land	Russland
Føderasjonssubjekt	Moskva oblast
Første nemnt i Bystatus	1389 1781
Borgarmeister	Vladimir Laptev
Geografi
Flatevidd  - By	52,09 km²
Innbyggjarar  - Totalt (2006)    - folketettleik	116 277   2 232,2 /km²
Koordinatar	55°51′0″N 38°26′24″E
Høgd over havet	150 moh.
Tidssone - Ved sommartid	MSK (UTC+3) MSD (UTC+4)
Diverse annan informasjon
Postnummer	142400
Retningsnummer (tlf)	(+7)49651
Nettstad: www.noginsk.ru

Byen vart første gong nemnt i 1389 som Rogozji. Han vart seinare nemnt med namnet Bogorodsk i eit dekret frå Katarina den store frå rundt 1781. Han fekk namnet Noginsk i 1930, kalla opp etter den kommunistiske tekstilmannen Viktor Nogin. Enkelte selskap i byen, som til dømes Bogorodsk Bryggeri og Bogorodskavtotrans (lokalt transportselskap), nyttar framleis namnet Bogorodsk.

Gjennom hele 1800-talet og ein stor del av 1900-talet var byen eit stort tekstilsenter, som handsama bomull, silke og ull. Industriproduksjon i byen i dag er konsentrert om keramiske material (to større selskap), matvarer (ein fiskefabrikk), drikkevarer (ein av dei største største produsent av leskedrikkar i Russland ligg nær Noginsk) og byggematerial.

Noginsk er eit transportknutepunkt og ligg ved knutepunktet mellom motorvegen til Nizjnij Novgorod (M7/E22) og ein av ringvegane til Moskva. Bygginga av ein ny bompengefinansiert motorveg inn mot Moskva er no i gang. Den nye vegen vil gå sør for den noverande, mellom Nizjnij Novgorod-vegen og Nosovikhinskoje-vegen og vil gje ei estimert reisetid til Moskva på 20 minutt.

Bakgrunnsstoff

• Uoffisiell nettstad
• Bogorodsk/Noginsk Historieressursar

Kjelder

• Denne artikkelen bygger på «Noginsk» frå Wikipedia på bokmål, den 7. januar 2009.
  • Wikipedia på bokmål oppgav desse kjeldene: