Oksana Omeljantsjik

Oksana Aleksandrovna Omeljantsjik (fødd 2. januar 1970) er ein ukrainsk tidlegare turnar frå Ulan-Ude som representerte Sovjetunionen. Ho vart i 1985 verdsmeister i mangekamp. Omeljantsjik var kjent for si entusiastiske og energiske framtoning, og for originaliteten og vanskegraden i øvingane.

Oksana Omeljantsjik


Statsborgarskap Sovjetunionen, Ukraina
Fødd 2. januar 1970 (54 år)
Ulan-Ude
Idrett turn
Utmerkingar

Idrettens mester i Sovjetunionen

Aktiv turnar endre

Etter femteplass i mangekamp i sovjetmeisterskapen 1983 og fjerdeplass året etter, sigra Omeljantsjik i mangekampen og vart sovjetmeister år 1985. Under europameisterskapen kom ho på bronseplass i mangekampen i, bakom landskvinna Jelena Sjusjunova og austtyske Maxi Gnauck. Elles i EM vann ho gull i bom-øvinga, sølv i frittståande og bronse i skranke.

Omeljantsjik deltok så i Turn-VM 1985 i Montreal. Ho var med på å vinne lagtevlinga, utan å nå opp mot sitt beste. Dermed var ho ikkje kvalifisert til finalen i mangekamp. Men lagleiinga valde å vrake Olga Mostepanova og Irina Baraksanova, og erstatte dei med Omeljantsjik og Sjusjunova. Dei to svarte med å dele fyrsteplassen i mangekamp. Omeljantsjik vann elles gullmedaljen i frittståande med ei makelaus øving.

Omeljantsjik sigra i bom, vart nummer to i skranke og hopp og tre i frittståande ved verdscupfinalen 1986 i Beijing. Under Turn-VM 1987 i Rotterdam måtte ho og det sovjetiske laget ta til takk med sølv, slått av Romanias mannskap. Individuelt vart ho nummer fem i mangekampen. Ho kvalifiserte seg til hoppfinalen, men vart vraka til fordel Svetlana Baitova. Ved Sommar-OL 1988 var ho reserve, i 1989 la ho opp.

Turnleiar endre

Omeljantsjik har vore både trenar, dommar og leiar for kvinnene sin tekniske komité i det ukrainske turnforbundet.

Kjelder endre