Olaf Øen
Olaf Øen (5. juli 1925–29. januar 2009) var ein norsk maskinentrepenør, forsikringsmann og politikar frå Nes i Buskerud. Han møtte på Stortinget frå Buskerud i tida frå 1976 til 1989, vald for Arbeidarpartiet. Øen var elles ordførar i Nes i til saman ti år.
| Olaf Øen | |
| Statsborgarskap | Noreg |
| Fødd | 5. juli 1925 Nesbyen |
| Død |
29. januar 2009 (83 år) |
| Yrke | politikar |
| Språk | norsk |
| Politisk parti | Arbeidarpartiet |
| Medlem av | Israels venner |
Far hans var skogsarbeidar, eit yrke Øen sjølv praktiserte åra 1942-44. Frå 1944 til -46 var han linjearbeidar i Norges Statsbaner (NSB), til dess han gjennomførte militærtenesta i Tysklandsbrigaden. Deretter arbeidde han som maskinførar i 1948-49, då han starta opp som maskinentreprenør, eit arbeid han dreiv i ti år. I 1959 fekk han jobb som inspektør ved Hallingdal Brannkasse, eit yrke han hadde til 1976.
Øen var kommunestyremedlem i Nes frå 1956 til 1979, der i mellom ordførar i periodane 1964-71 og 1976-77. På ny medlem i Nes kommunestyre 1995-99.
Då Ragnar Christiansen vart utnemnd statsråd i den nyskipa Nordli-regjeringa i januar 1976, rykte Øen inn på Stortinget og sat resten av tingperioden 1973-77 i Landbrukskomiteen. Frå hausten 1977 til 1989 var Øen fast representant frå Buskerud. Han var så medlem 1977-85 i Forsvarskomiteen og 1985-89 i Samferdslekomiteen.