Ole Brå

Ole Olsson Brå (11. juli 1843–19. februar 1933) var ein norsk lærar, gardbrukar og politikar for Venstre, fødd i Buvika.

Ole Brå
Statsborgarskap	Noreg
Fødd	11. juli 1843 Buvik kommune
Død	19. februar 1933 (89 år) Inderøy kommune
Yrke	politikar, bonde, lærar
Språk	norsk
Politisk parti	Venstre

Faren til Brå var gardbrukar på Sæter i Buvika, seinare på Brå i Byneset. Sjølv vart Brå seminarist frå Klæbu i 1862. Han var så lærar i Inderøy frå 1862 til 1905. Frå 1874 til -84 var han torvmeister i Nordre Trondhjems amt. Brå kjøpte garden By i Inderøy i 1877 og dreiv han til 1902. Frå 1905 var han styrar av Innherred sjukehus.

Brå stifta Inderøyens forbruksforening i 1870 og var styrar for tiltaket til 1900. Han var medlem av heradsstyret i Inderøy 1880-1904, ordførar i elleve år. Elles hadde han mange andre tillitsverv i heradet.

Brå var innvald som 1. representant på Stortinget frå Nordre Trondhjems amt 1900-03. Han var medlem av Lagtinget og av sosialkomiteen.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Fossli, Oddgeir: «Lærer og stortingsmann Ole Brå (1842–1933)». I: Eynni Idri. Inderøy Museums- og Historielag, 2001.

Bakgrunnsstoff

• Ole Olsen Braa Arkivert 2011-05-27 ved Wayback Machine. hos Norsk samfunnsvitenskapelig datatjeneste