Ole Rasmusson Sollid

Ole Rasmusson Sollid
	Ole Rasmusson Sollid
Fødd	3. januar 1793
Død	8. juli 1873 (80 år)
Statsborgar av	Noreg
Yrke	bonde, politikar
Alle verv	stortingsrepresentant (1833–1835); stortingsrepresentant (1836–1838); stortingsrepresentant (1839–1841); vararepresentant til Stortinget (1842–1844); vararepresentant til Stortinget (1845–1847) ;

Ole Torstein Rasmusson Sollid (3. januar 1793–8. juli 1873) var ein norsk gardbrukar og stortingsmann frå Ørskog.

Sollid var frå garden Nedre Sollid i Ørskog. Han var 1811-18 skulehaldar i heimbygda. Då han slutta som lærar vart han gardbrukar på farsgarden, garden dreiv han til 1861. I 1822 vart han forlikskommissær, eit verv han hadde til han døydde 51 år seinare.

Sollid var valmann ved alle stortingsval i perioden 1833-59, med unnatak av valet til 1856-forsamlinga. På fyrste valmannssamlinga han deltok i, vart han vald til å representere Romsdals amt på Stortinget, sameleis i 1836 og på det overordentlege stortinget 1836-37 og i 1839. Han var medlem av bankkomiteen. Sollid var 1838-39 fyrste ordføraren i Ørskog, og på ny i 1844-45. Han møtte elles mange år i heradstyret.

Kjelder

Lindstøl, Tallak: Stortinget og Statsraadet 1814-1914. Kristiania, 1914
Biografisk informasjon om Ole Rasmusson Sollid NSD Norsk senter for forskningsdatas politikararkiv