Ole Toresson Rød
Ole Toresson Rød (11. februar 1762–24. mai 1840) var ein norsk gardbrukar, lensmann, postopnar og stortingsmann frå Søndeled i Aust-Agder. Han var far til Halvor Olsson Stamsøy.
| Ole Toresson Rød | |
| Statsborgarskap | Noreg |
| Fødd | 11. februar 1762 |
| Død | |
| Yrke | bonde, politikar |
| Språk | norsk |
Rød tok over farsgarden i Søndeled i 1789, og dreiv han til han skøytte garden vidare til sonen. Han var lensmann i Søndeled og Gjerstad frå 1803 til -13, og postopnar frå 1805 til 1835.
I 1814 var han valmann og aktuell til riksforsamlinga på Eidsvoll. Han var 3. representant frå Nedenes og Robygdelagets amt på Stortinget i 1818. Der var han medlem av åtte komitear, mellom dei var komiteen om bank- og pengestellet, og komitear om skogane i Drammen sitt omland, og om Røros koparverk. Frå 31. mars var han medlem av Lagtinget.
Rød døydde på slektsgarden i Søndeled i 1840.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Ole Toresson Rød NSD Norsk senter for forskningsdatas politikararkiv