Paul Svedenborg
Paul Svedenborg (fødd 24. april 1947) er ein norsk sjakkspelar som har vunne Noregsmeisterskapen i sjakk to gongar, i 1966 og 1967.[1] Paul Svedenborg bur i Narvik og spelar for Narvik sjakklubb. Han deltok på det norske landslaget i sjakkolympiadane i 1964 i Tel Aviv og i 1968 i Lugano.[2]
| Paul Svedenborg | |
| Statsborgarskap | Noreg |
| Fødd | 24. april 1947 (77 år) |
| Yrke | sjakkspelar |
Svedenborg sin spelestil er prega av aktivt spel, der han søker utvikling og rom, til prisen av materiell og/eller bondestruktur.
I opningsteori har Svedenborg fått ein variant oppkalla etter seg i Lettisk gambit. Etter 1.e4 e5 2.Sf3 f5 3.Lc4 fxe4 4.Sxe5 så har Svedenborg vist at 4...d5 er spelbart, og denne varianten ber no hans namn. Sjølv om trekket var kjent tidlegare, så viste Svedenborg at den svarte stillinga var haldbar etter 5.Dh5+ g6 6.Sxg6 hxg6 7.Dxg6+ Kd7, i staden for den gamle varianten Ke7.[3]
Bakgrunnsstoff endre
- Paul Svedenborg sitt ratingkort hos FIDE
- Artikkel om Paul Svedenborg Arkivert 2007-08-26 ved Wayback Machine. Tromsø sjakklubb si heimeside, skrive av Gunnar Berg Hanssen.
- Paul Svedenborg sine parti i Noreg hos NorBase
- Nokre av Paul Svedenborg sine parti hos www.chessgames.com
Fotnotar endre
- ↑ Liste over Norske meistrar i sjakk
- ↑ ChessBase database
- ↑ Kosten, Tony (2001). The Latvian Gambit Lives!. Batsford. ISBN 0713486295.