Peder Oluf Pedersen
Peder Oluf Pedersen (22. november 1854–15. januar 1941) var ein arbeidar og politikar frå Kråkerøy i Østfold. Han representerte Høgre-partiet på Stortinget i tida 1903-12.
| Peder Oluf Pedersen | |||
 | |||
| Fødd | 22. november 1854 Halden kommune | ||
|---|---|---|---|
| Død | 15. januar 1941 (86 år) | ||
| Statsborgar av | Noreg | ||
| Parti | Høgre | ||
| Yrke | politikar, kroppsarbeidar | ||
| Alle verv |
| ||
Pedersen var son til ein maskinist. Sjølv byrja han arbeide på sagbruket «Bingesagen» då han var kring 12 år gammal. Frå 1874 til 1913 var han tilsett som filar ved Bjørneby bruk, heilt til bruket brende ned.
I Kråkerøy kommune var han 1901–03 medlem av skulestyret. Gjennom stortingsvalet 1903 kom han inn på Stortinget frå Smaalenene. Han vart attvald til nye periodar i 1906 og 1909, då frå einmannskrinsen Glemminge. På Stortinget var han heile tida medlem i Sosialkomitéen. I Kråkerøy heradsstyre var han ei tid varaordførar.
P.O. Pedersens vei i Fredrikstad har namn etter honom.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Fredriksstad Blad 26. november 1954
- Fredriksstad Blad 2. september 1995