Per Skou
Per Skou (20. mai 1891–24. februar 1962) var ein norsk fotballspelar og idrettsleiar frå Skien, president i Norges Fotballforbund frå 1929 til 1933.[1] Han vart noregsmeister med Ski- og fotballklubben Lyn i 1911 og med Odds Ballklubb i 1913 og 1915. Skou var venstreback, ein spelar kjent som ein «hardtspillende, taklingssterk og pasningssikker back med god plasseringsevne».[1] Skou var tilsett i papirprodusenten Union i lang tid, mellom anna som revisjonssjef.
| Per Skou | |
|
| |
| Statsborgarskap | Noreg |
| Fødd | 20. mai 1891 Skien kommune |
| Død | 24. februar 1962 (70 år) Oslo |
| Idrett | fotball |
| Tok del i | Sommar-OL 1920, Sommar-OL 1912 |
| Utmerkingar | Kongens fortenestmedalje i gull |
Karriere
endreLandslagsspel
endreSkou debuterte i landskampen mot Sverige i Stockholm 17. september 1911, Noregs tredje landskamp i fotball. Han deltok i OL-turneringa i 1912 i Stockholm og var med då Noreg i juni 1918 vann 3–1 over Danmark, landslaget sin fyrste siger. 1919-sesongen spelte han alle fire kampane då Noreg vart uformell skandinavisk meister gjennom to triumfar mot Sverige og siger over Danmark på heimebane. Under Sommar-OL 1920 i Antwerpen spelte han to av tre kampar, mellom dei då det norske landslaget slo England, ein av favorittane i turneringa. [2] Skou sin 41. og siste landskamp kom i Oslo 16. september 1923. I 23 av desse kampane danna han backpar med Otto Aulie.
Klubbspel
endreSkou var Odd-spelar i 1910. Laget tok seg til cupfinalen, ein finale som enda med tap mot oslolaget Lyn. Året etter budde han i hovudstaden og spelte på backplass då Lyn-laget forsvarte NM-tittelen. Deretter var han med på Odd sine to NM-triumfar i 1913 og 1915, to finalekampar som begge enda med siger 2–1 til laget frå Skien. Frå 1917? til 1923 var Skou atter Lyn-spelar. Han fekk med seg NM-finalen 1923, ein kamp Lyn tapte mot SK Brann.
Merittar
endre- Noregsmeister: 1911 med Lyn
- Noregsmeister: 1913 og 1915 med Odd
- Cupfinalist: 1923 med Lyn
Idrettsleiar
endreSkou var president i Norges Fotballforbund frå 1929 til 1933. I 1934 var han den fyrste som vart utnemnt til heidersmedlem i fotballforbundet.
Kjelder
endre- ↑ 1,0 1,1 Holm, Jan (1. januar 2022). «Per Skou». Store norske leksikon (på norsk).
- ↑ Dagbladet 30. august 1920