Peter S. Brandal
Peter Andreas Severinsen Brandal (21. desember 1870–23. mars 1933) var ein norsk selfangstpioner og reiar frå Brandal i Hareid på Sunnmøre. Han tok til som fiskar 15 år gamal. 24 år gamal fekk han bygd seglskøyta «Minna» i Hardanger. Den eigde han ilag med brørne sine. Med denne skuta var Petter S. Brandal den første som dreiv Ishavsfangst frå Sunnmøre.
| Peter S. Brandal | |
| Statsborgarskap | Noreg |
| Fødd | 21. desember 1870 |
| Død | |
| Yrke | forretningsdrivande |
I 1911 skaffa han seg to skuter som båe hadde dampmaskiner. «Jopeter» var den første spesialbygde selfangarskuta. Peter Brandal gjekk i land og vart reiar på heiltid. I 1912 vart selskapet Peter S. Brandal & Co A/S skipa for å foredle selprodukt.
For å skaffe kol til dampmaskinane på skutene sine, tok han til å bryte kol på Svalbard. Saman med andre sunnmøringar skipa han Kings Bay Kull Company. Drifta vart ikkje lønsam, og i 1929 gav aksjonerane aksjane til staten ved Svalbardkommisjonen.
I 1925 skipa Peter S. Brandal A/S Søndmøre Sælfangere saman med Martin Karlsen. I 1933, same året som Peter S. Brandal døydde, stod dei bak Brandal Sildeoljefabrikk A/S.
Peter S. Brandal var riddar av 1. klasse av St. Olavs Orden
Kjelder
endre- Marit Kvammen: Selfangstpioneren i i 100 år 100 navn. Personer som har preget Nordvestlandet. Sunnmørsposten Forlag 2000
- NBL-artikkel om Brandal skriven av Pål Christensen.