Pfaueninsel
Pfaueninsel ('Påfugløya') er ei øy i elva Havel nær Wannsee i Berlin i Tyskland. Øya er ein populær feriestad.
| Pfaueninsel | |||
| øy | |||
 | |||
| Land |  Tyskland
| ||
|---|---|---|---|
| Del av | Slott og parker i Potsdam og Berlin | ||
 Pfaueninsel 52°26′04″N 13°07′51″E / 52.434444444444°N 13.130833333333°E | |||
| Wikimedia Commons: Pfaueninsel | |||
Fram til 1689 stod glasverket til glasmakaren Johannes Kunckel på øya. På denne tida vart øya kalla «Kaninchenwerder» ('Kaninøya'). Aust for øya ligg det ei mindre øy kalla Schwanenwerder ('Svaneøya').
I 1793 kravde den prøyssiske kongen Fredrik Vilhelm II øya som ein del av Hohenzollern-dynastiet og bygde eit menasjeri og ein dyrehage her, der ein mellom anna hadde påfugl. Mot slutten av 1700-talet fekk han bygd eit slott på Pfaueninsel for grevinna Wilhemine von Lichtenau.
Palmenhaus ('Palmehuset') tok fyr av ukjende årsaker i 1880 og brann ned. Ein meinte at brannårsaka kunne ha vore ein gneiste frå skorsteinen sidan Palmenhaus var bygd av tre. Det vart ikkje bygd opp att, og i dag står berre grunnmuren att.
I etterkrigstida høyrte Pfaueninsel til Vest-Berlin i bydelen Zehlendorf, som i dag vert kalla Steglitz-Zehlendorf. Øya er framleis rik på natur og har frittgåande påfuglar, medan andre eksotiske fuglar sit i bur. Heile øya er rekna som eit naturreservat, og sidan [990 har ho stått på UNESCO si verdsarvliste i lag med slottet og parkane i Potsdam-Sanssouci og Berlin-Glienicke.
Kjelder
endre- Denne artikkelen bygger på «Pfaueninsel» frå Wikipedia på engelsk, den 1. juni 2007.