Protonpolarlys

Protonnordlys er ei nemning for svakt polarlys som kjem frå hydrogenatom. Det vart først oppdaga av den norske fysikaren Lars Vegard og kjem frå proton i primærpartiklene og ikkje frå atmosfæreatom som eksiterer.

Når protona kolliderer med nøytrale molekyl i atmosfæren, vil dei kunne oppta eit elektron slik at det blir danna eit nytt ion og eit eksitert hydrogenatom. Desse hydrogenatoma sender så ut ljos når dei går ned til grunntilstanden.