RS «Christian Børs»
RS 17 «Christian Børs» var ei tidlegare redningsskøyte som Redningsselskapet hadde i drift frå 1904 til 1936. Ho vart bygd av Brinchorst & Dekke i Bergen. Kristian Dekke teikna skøyta ut frå Colin Archer sine teikningar til Svolvær-typen. Skøyta var 45 fot lang, 14,4 fot brei og var 7,9 fot djuptgåande. Byggeprisen var kr 10 500. Ho vart kosta av konsul Christian Børs i Paris. Han var opphavleg frå Bergen, og hadde tent godt på forretningsverksemd i USA. Ho fekk og namn etter han.
| RS 17 «Christian Børs» | ||
 Foto: Ukjend / Nasjonalbiblioteket | ||
| Leverandør: | Brinchorst & Dekke, Bergen | |
| Verft: | Brinchorst & Dekke | |
| Konstruktør: | Colin Archer og Kristin Dekke | |
| Byggjeår: | 1904 | |
| Byggjepris: | 10 500 kroner | |
| Oppkalla etter: | Gjevaren | |
| Finansiering: | Konsul Christian Børs, Paris | |
| Eigenskapar | ||
| Lengde: | 45 fot | |
| Breidde: | 14,4 fot | |
| Djupgåande: | 7,9 fot | |
| Statistikk | ||
| Sett inn i teneste: | 1904 | |
| Ut av teneste: | 1936 | |
| Menneskeliv berga: | 139 | |
| Fartøy assistert: | 2327 | |
«Christian Børs» havarerte 25. januar 1920. Under bording av DS «Stavangerfjord», for å sette om bord los, støytte fartøya saman. «Christian Børs» fekk store skadar på riggen. Stormasta brotna. Då det såg ut som skøyta skulle totalhavarere, vart mannskapet teke ombord i «Stavangerfjord». I mørke, sterk vind og svært grov sjø dreiv skøyta mot nord. Same kvelden dreiv ho i land nord for Sognefjorden og vart berga. Reiarlaget til «Stavangerfjord», Den norske Amerikalinje, kosta reparasjonen. Mannskapet på «Christian Børs» vart heidra av passasjerane på «Stavangerfjord», og av reiarlaget.
«Christian Børs» redda 139 menneske frå ein sikker daude, og assisterte 2327 fartøy.
I sesongen 1904-1905 og i 1925 vart mannskapet på «Christian Børs» tildelt Emile Robins belønning
Kjelder
endre- Bjørn Foss: Fra seil til vannjet (Norsk Maritimt Forlag, 2002).