RS «Havskaaren»
RS 6 «Havskaaren» var ei redningsskøyte som var konstruert og bygd av Colin Archer, Larvik. Ho var av same type som RS «Colin Archer» (RS 1). «Havskaaren» vart bygd i 1894 og kosta kr 8 000. Ho vart finansiert gjennom innsamling ved redningsmarknad i Bodø, og av Boød Kreds av NSSR. "Havskaare" er eit lokalnamn på måsefuglen svartbak. Ved Fulehuk fyrstasjon i Oslofjorden er det og eit skjer som heiter Havskaaren. Då skøyta i 1897 vart stasjonert i Nord-Noreg, vart namnet endra til RS «Nordland». «Nordland» var den første av Redningsselskapet sine skøyter som forliste. Det gjorde ho ved Kjelvik i noverande Nordkapp kommune i Finnmark 10. desember 1900. I svær sjø og vind av orkan styrke fekk ho problem under vending i det tronge hamneinnløpet. Skøyta vart slengd mot land og fekk store skadar. Mannskapet vart redda. «Nordland» vart slept til Sandefjord for reparasjon. Der vart ho øydelagd av brann i mai 1901.
| RS 6 «Havskaaren» | |
 | |
| Status: | Forlist |
| Leverandør: | Colin Archer, Larvik |
| Verft: | Colin Archer, Larvik |
| Konstruktør: | Colin Archer |
| Byggjeår: | 1894 |
| Byggjepris: | 8 000 kroner |
| Finansiering: | Redningsmarknad i Bodø og Bodø Kreds av NSSR |
| Statistikk | |
| Sett inn i teneste: | 1894 |
| Ut av teneste: | 1900 |
| Menneskeliv berga: | 144 |
| Fartøy assistert: | 411 |
Redningsselskapet reknar at RS «Havskaaren»/RS «Nordland» redda 144 menneske frå ein sikker daude, og assisterte 411 fartøy.
Kjelder endre
- Bjørn Foss: Fra seil til vannjet. Historien om redningsskøytene Norsk Maritimt Forlag 2002