Rakaiaelva
Rakaiaelva renn gjennom slettelandskapet Canterbury Plains på Sørøya på New Zealand.[1] Rakaia er ei av dei største forgreina elvene på New Zealand.[2] Elva har ei middelvassføring på 203 m³/s.
| Rakaiaelva | |||
| Rakaia River | |||
| elv | |||
 Rakaia river sett frå Mount Hutt.
| |||
| Land |  New Zealand
| ||
|---|---|---|---|
| Lengd | Om lag 150 km | ||
| Middelvassføring | 203 m³/s | ||
| Kjelde | Søralpane | ||
| Munning | Stillehavet | ||
| • høgd | 0 moh. | ||
 Rakaiaelva 43°53′58″S 172°12′44″E / 43.899444444444°S 172.21222222222°E | |||
 Rakaia River
| |||
| Wikimedia Commons: Rakaia River | |||
Rakaiaelva renn ut frå Søralpane, går 150 kilometer i austleg eller søraustleg retning før ho munnar ut i Stillehavet, 50 kilometer sør for Christchurch. Under det meste av ferda har elva eit forgreina elveløp, og renn gjennom ei vid grusseng. Nær Mount Hutt går ho eit kort stykke gjennom ein trong canyon, kjend som Rakaia Gorge.
I 1850-åra kalla europeiske nybyggjarar elva Cholmondeley River, men dette namnet gjekk ut av bruk.[3] Det går bruer over Rakaiaelva på to stadar. Den mest trafikkerte overgangen er ved den vesle byen Rakaia, 20 km frå elvemunningen, der hovudvegen, New Zealand State Highway 1 og jarnvegslinja South Island Main Trunk Railway kryssar elva på separate bruer. Desse to bruene er dei lengste veg- og jarnvegsbruene på New Zealand, om lag 1,75 km lange.[4] Ei anna bru, mykje kortare og mindre trafikkert, går over Rakaia Gorge.
Rakaia River er kjend for fisket av chinooklaks (Oncorhynchus tshawytscha)[5] Elva er elles kjend for den store bestanden av skeivnebblo (Anarhynchus frontalis engelsk wrybill) som utgjer 73 prosent av totalbestanden. Andre viktige fugleslag som lever ved Rakaia er maoriterne (Sterna albostriatus, engelsk Black-fronted Tern) og nyzealandbeltelo (Charadrius bicinctus, newzealandengelsk Banded Dotterel, britisk engelsk Double-banded Plover).[6]
Central Plains Water Enhancement Scheme, som er eit storstilt forslag til vass-avleiing, oppdemming, distribusjon og vatning for sentrale delar av Canterbury Plains, har føreslått å ta opp til 40 m³/sek. av vatnet i Rakaia River som ein del av forsterkinga av vatninga i desse områda.[7]
Kjelder
endre- ↑ LINZ.govt.nz Place Name Detail Rakaia River, arkivert frå originalen 20. februar 2012, henta 15. januar 2012
- ↑ Morland, K. 1994: Water Resources of the Canterbury Region. Canterbury Regional Council Unpublished Technical Report U94/59.
- ↑ 'Rivers Revert', John Wilson. 'Canterbury', Te Ara Encyclopedia of New Zealand, oppdatert 2. mars 2009 URL: http://www.TeAra.govt.nz/Places/Canterbury/Canterbury/en, retrieved 30 June 2008.
- ↑ "The Rakaia River", Selwyn District Council, http://www.selwyn.govt.nz/background/rakaia.htm Arkivert 2007-09-28 ved Wayback Machine., retrieved 31 August 2007
- ↑ West I. F. and Goode,R. H. (1987) "Aerial counts of spawning chinook salmon (Oncorhynchus tshawytscha) on the Rakaia River system, Canterbury, New Zealand, 1973-76." New Zealand Journal of Marine and Freshwater Research, 1987, Vol. 21: 563-572.
- ↑ O’Donnell, C.F.J. (2000).The significance of river and open water habitats for indigenous birds in Canterbury, New Zealand, Environment Canterbury Upublisert rapport U00/37.
- ↑ Environment Canterbury Resource Consents vevside, vitja 15. januar 2012, arkivert frå originalen 15. desember 2011, henta 15. januar 2012
- Denne artikkelen bygger på «Rakaia River» frå Wikipedia på engelsk, den 15. januar 2012.
Bakgrunnsstoff
endre- Selwyn District Council side om Rakaia River
- Rakaia River Arkivert 2009-04-26 ved Wayback Machine. ved Te Ara Encyclopedia of New Zealand
- Laksefiske i Rakaia River Arkivert 2007-09-29 ved Wayback Machine.