Ralik
Ralik-kjeda er ei øykjede i Marshalløyane i Stillehavet. Ralik tyder 'solnedgang', medan namnet på den andre øykjeda i Marshalløyane, Ratak, tyder 'soloppgang'. Innbyggjartalet på Ralikøyane var 19 915 i 1999. Øygruppa har ca. 20 000 innbyggjarar. Mange øyar er ikkje folkesette, og på Bikiniatollen i øykjeda kan ein ikkje bu på etter ei rekkje prøvesprengingar her på 1940- og 1950-talet.
| Ralik | |||
| øygruppe | |||
| Land |  Marshalløyane
| ||
|---|---|---|---|
 Ralik 8°N 167°E / 8°N 167°E | |||
Geografi endre
Ralik-kjeda ligg ca. 200 km vest for Ratakøyane, og strekkjer seg ca. 1 300 km i nordvestlig retning. Ralik-kjeda består av 15 atollar og 3 øyar.
Historie endre
Ralik-øyane har truleg vore folkesett av mikronesiarar sidan ca. 1000 f.Kr. Dei blei oppdaga av europearar i 1526 av den spanske kapteinen Alonso de Salazar, og blei også vitja av Álvaro de Saavedra kring 1529. Øyane kom seinare under spansk suverenitet.
Neuguinea-Compagnie, eit tysk handelsselskap, etablerte seg på Ralik-kjeda kring 1859. 22. oktober 1885 kjøpte Det tyske keisarriket alle Marshalløyane av Spania. Selskapet forvalta øyene fram til 13. september 1886, då området blei eit tysk protektorat. I 1906 blei det ein del av Tysk Ny-Guinea.[1] Japanarar vitja øyane i 1885.
Under første verdskrigen blei området okkupert av Japan i oktober 1914, som i desember 1920 fekk eit forvaltingsmandat — det japanske stillehavsmandatet — over området av Folkeforbundet etter Versaillestraktaten i 1919.
Under andre verdskrigen blei øygruppa brukt som militærbase av Japan frem til USA erobra området våren 1944. Deretter kom øygruppa under amerikansk kontroll. Marshalløyane blei ein heilt sjølvstendig republikk i 1986.[1]
Øyar og atollar i Ralik endre
Kjelder endre
- ↑ 1,0 1,1 «Marshall Islands» (på engelsk). Henta 14. november 2009.
- Denne artikkelen bygger på «Ralik-kjeden» frå Wikipedia på bokmål, den 19. oktober 2013.
Bakgrunnsstoff endre
- Om Ralik-kjeda ved oceandots.com
- Kart over Ralik-kjeda
- Historia til Ralik-kjeda
