Rasmus Langeland

Rasmus Olsen Langeland (8. februar 1873–1954), fødd i Sunnylven, var ein norsk gardbrukar og politikar frå Bondepartiet. Han sat på Stortinget for Møre frå 1922 til 1945, og var arbeidsminister 1931–1933.

Rasmus Langeland
Fødd	8. februar 1873 Sunnylven kommune
Død	13. august 1954 (81 år)
Statsborgar av	Noreg
Parti	Senterpartiet
Yrke	politikar
Barn	Olav Rasmussen Langeland
Alle verv	stortingsrepresentant (1922–1924) Norsk arbeidsminister (1931–1933) stortingsrepresentant (1925–1927) stortingsrepresentant (1928–1930) stortingsrepresentant (1931–1933) stortingsrepresentant (1934–1936) stortingsrepresentant (1937–1945)

Langeland blei innvald i Borgund heradsstyre i 1913, og sat fram til 1922. Same året blei han stortingsrepresentant, og sat fram til 1945. Langeland sat først i Lønningskomiteen i to periodar, før han gjekk over til Jernbanekomiteen. Han sat deretter i Finans- og tollkomiteen og i Skog- og vassdragskomiteen.

I regjeringane Kolstad og Hundseid 1931–1933 var Langeland arbeidsminister. Han var også Bondepartiet sin nestformann 1930–1935.

Rasmus Olsen Langeland var far til Olav Rasmussen Langeland, som følgde i faren sitt politiske fotspor som stortingsrepresentant.

Kjelder

• «Rasmus Olsen Langeland». Norsk samfunnsvitenskapelig datatjeneste. Henta 2010-06-24 / 2017-07-05.