Rebecca Gablé
Rebecca Gablé (fødd 25. september 1964) er ein tysk forfattar av historiske romanar. Ho er best kjend for riddarromanar sett i mellomalderen. Ho verker også som omsetjar frå engelsk.
| Rebecca Gablé | |
 | |
| Statsborgarskap | Tyskland |
| Fødd | 25. september 1964 (60 år) Wickrath |
| Yrke | mellomalderhistorikar, skribent, filolog, bankkasserar, omsetjar, litteraturvitar |
| Språk | tysk |
| Rebecca Gablé på Commons | |
Liv og virke
endreEtter å ha gått ut av skulen byrja ho i 1984 på ein eittårig lærlingsperiode som bankassistent. Ho arbeidde totalt fire år i bank. På denne tida budde ho nær ein militærbase nytta av britiske Royal Air Force, og kom i kontakt med personellet der. Det gav henne ei intens interesse for engelsk språk og kultur, noko som stadig er tydeleg i dei litterære verka hennar.[1][2] Det kommersielle gjennombrotet hennar kom i 1997 med den fyrste historiske romanen hennar Das Lächeln der Fortuna, som det blei selt 200 000 eksemplar av i det fyrste året etter utgjevinga. I 1991 byrja ho studera litteraturvitskap og mellomalderstudiar ved Heinrich-Heine-Universität Düsseldorf, og tok magistergrad i 1996. Frå 1999 til 2000 hadde ho ei lærarstilling her innan gammalengelsk litteratur. I 2000 gav ho ut Das zweite Königreich, også ein historisk roman. Sidan det har ho hatt fleire bestseljarar i same sjanger. I tillegg til ein serie om den oppdikta Waringham-familien, som er tett knytt til det engelske kongehuset i mellomalderen og tidleg moderne tid, har Gablé skrive andre romanar som går føre seg i mellomalderen.[3]
Verk
endre- Detektivromanar
- Jagdfieber, 1995
- Die Farben des Chamäleons, 1996
- Das letzte Allegretto, 1998
- Das Floriansprinzip, 1999
- Waringham-serien
- Das Lächeln der Fortuna, 1997
- Die Hüter der Rose, 2005
- Das Spiel der Könige, 2007
- Der dunkle Thron, 2011
- Der Palast der Meere, 2015
- Teufelskrone, 2019
- Drachenbanner, 2022
- Helmsby-serien
- Das Zweite Königreich, 2000
- Hiobs Brüder, 2009
- Otto den store-serien
- Das Haupt der Welt, 2013
- Die fremde Königin, 2017
- Andre historiske romanar
- Der König der purpurnen Stadt, 2002 (with slight references to Waringham series)
- Andre bøker
- Von Ratlosen und Löwenherzen, 2008 (popular science book about the English Middle Ages)
Kjelder
endre- ↑ «Rebecca Gablé». Bestseller-Autoren .... Die Autorin im Portrait. Orell Füssli Thalia AG (Der Orell-Füssli-Newsletter), Zürich (Der Orell-Füssli-Newsletter). Henta 2. januar 2022.
- ↑ "Petra". «Rebecca Gablé». myFanbase GmbH, Herne. Henta 2. januar 2022.
- ↑ Rebecca Gablé – Saga ohne Ende
- Denne artikkelen bygger på «Rebecca Gablé» frå Wikipedia på engelsk, den 20. mai 2023.
Bakgrunnsstoff
endre- Offisiell nettstad
- Schmitz, Rolf (30. september 2001). «Die Königin des historischen Romans». Die Welt (på tysk).
