Reidar Tveit
Reidar Tveit (4. november 1921–11. desember 2023) var ein norsk fylkestannlækjar og politikar for Venstre og Det Liberale Folkepartiet.
| Reidar Tveit | |
| Statsborgarskap | Noreg |
| Fødd | 4. november 1921 Gulen kommune |
| Død |
11. desember 2023 (102 år) |
| Yrke | politikar, tannlege |
| Politisk parti | Venstre, Det Liberale Folkepartiet |
Under andre verdskrigen vart Tveit arrestert som student 30. november 1943, overført til Stavern, og enda til slutt i konsentrasjonsleiren Buchenwald der han vart verande til freden kom i 1945. Tveit vendte heim att til Noreg, og fekk stillinga som fylkestannlege i Sogn og Fjordane frå 1958 til 1989 - i over 30 år. I løpet av få år utbygde han tannhelsetenesta i heile fylket.
Tveit var ordførar i Førde kommune i tre samanhengande periodar frå 1968 til 1979. Han representerte fyrst Venstre, men gjekk over i Det Liberale Folkepartiet etter partikløyvinga i kjølvatnet av EF-striden i 1972. I 1976 fekk Folkepartiet med Tveit som ordførarkandidat nesten reint fleirtal ved kommunevalet.
Medan Tveit var ordførar vart Førde bygd opp som fylkessenter, og Tveit hadde ei avgjerande rolle i bygginga av Førdehuset i 1976, og skipinga av Sogn og Fjordane Teater i 1977. Han har hatt ei rekkje tillitsverv i både lokale og nasjonale kulturorganisasjonar. Han var den fyrste styreleiaren i Sogn og Fjordane Teater og styremedlem i Statens teaterråd og Norske teatres forening. Han var også den fyrste leiaren av Fylkesrådet for eldre i Sogn og Fjordane.
Kjelder
endre- Artikkelen er ei omsetjing av «Reidar Tveit» henta frå Wikipedia på bokmål. Der vart denne kjelda oppgjeve: