Remscheid

Remscheid er ein by i Tyskland i delstaten Nordrhein-Westfalen med om lag 115 000 innbyggjarar. Han ligg i den nordlege delen av Bergisches Land, sør for Ruhrområdet.

Remscheid
Rådhuset i Remscheid Rådhuset i Remscheid
Byvåpen	Plassering
Styresmakter
Land Delstat Regierungsbezirk‎ Landkreis	Tyskland Nordrhein-Westfalen Düsseldorf Kreisfri by
Grunnlagd	1100-talet
Geografi
Flatevidd  - By	74,6 km²
Innbyggjarar  - By (2007)    - folketettleik	115 374   1 547/km²
Koordinatar	51°11′0″N 07°12′0″E
Høgd over havet	365 m
Tidssone - Ved sommartid	CET (UTC+1) CEST (UTC+2)
Diverse annan informasjon
Postnummer	42801-42899
Telefon-retningsnummer	02191
Bilnummer	RD
Heimeside: www.remscheid.de

Historie

Remscheid vart grunnlagd på 1100-talet, men var berre ein liten landsby fram til 1800-talet. Tidlegare utgåver av namnet på byen var Remissgeid (1217), Rymscheyd (1351), Reymscheyd (1487) og Rembscheid (1639). Den økonomiske veksten i heile Rhin-Ruhr-området førte til folkevekst i Remscheid. Maskinteknikk og produksjon av verktøy var hovudnæringane til byen.

31. juli 1943, under den andre verdskrigen, vart Remscheid nesten heilt øydelagd under eit britisk bombetokt som skapte ein eldstorm.

Eit fly av type A-10 Thunderbolt II styrta i byen 8. desember 1988 og seks menneske omkom.

I dag består Remscheid av fire bydelar, Alt-Remscheid, Remscheid-Süd, Lennep og Lüttringhausen.

Kjende folk

• Wilhelm Röntgen, oppdagaren av røntgenstråler, vart fødd i Lennep i 1845, som i dag er ein bydel i Remscheid.

Bakgrunnsstoff

Wikimedia Commons har multimedia som gjeld: Remscheid

Kjelder

• Denne artikkelen er basert på ei omsetjing av artikkelen Remscheid frå Engelsk Wikipedia .