Delstatar i Tyskland

Det er 16 delstatar i Tyskland, på tysk offisielt kalla Länder (land), i vanleg språkbruk oftast Bundesländer (forbundsland). Delstatane er statar i statsrettsleg tyding som inngår i eit statsforbund.

Kart over delstatane i Tyskland. Tala på kartet samsvarer rekkjefølgjen i tabellen nedan.

Berlin og Hamburg er bystatar (Stadtstaaten). Staten Bremen består av byane Bremen og Bremerhaven. Dei resterande statane vert kalla «flateland» (Flächenländer) og er delt i distrikt og kommunar.

Delstatane har eigne regjeringar, parlamenter, forfatningar og domstolar. Dei har omfattande sjølvstyre og kan på område som miljø, kultur og utdanning i vidt omfang gjennomføre deira eiga lovgiving. Val til delstatsparlamenta finn som hovudregel stad kvart fjerde år, i Bayern berre kvart femte. Den utøvande makta ligg hos delstatsregjeringane på dei fleste områda.

Delstatane er representerte i Forbundsrådet (Bundesrat), som har sete i Preußisches Herrenhaus i Berlin. Det er delstatregjeringa som peikar ut delegatane til Forbundsrådet.

Dei tyske forbundslanda

Nr.	Våpen	Delstat	Areal (km²)	Innb. (mio)	Innb. pr. km²	Hovudstad	Flagg
1		Baden-Württemberg	35.752	10,717	300	Stuttgart
2		Bayern	70.549	12,444	176	München
3		Berlin	892	3,388	3.798	Berlin
4		Brandenburg	29.478	2,568	87	Potsdam
5		Bremen	404	0,663	1.641	Bremen
6		Hamburg	755	1,735	2.298	Hamburg
7		Hessen	21.115	6,089	288	Wiesbaden
8		Mecklenburg-Vorpommern	23.179	1,720	74	Schwerin
9		Niedersachsen	47.620	8,001	168	Hannover
10		Nordrhein-Westfalen	34.084	18,075	530	Düsseldorf
11		Rheinland-Pfalz	19.853	4,061	205	Mainz
12		Saarland	2.569	1,056	411	Saarbrücken
13		Sachsen	18.415	4,296	233	Dresden
14		Sachsen-Anhalt	20.446	2,494	122	Magdeburg
15		Schleswig-Holstein	15.763	2,829	179	Kiel
16		Thüringen	16.172	2,355	146	Erfurt
		Tyskland	357.046	82,501	231	Berlin