Wikipedia

Renate Reinsve

norsk skodespelar

Renate Hansen Reinsve (fødd 24. november 1987) er ein norsk skodespelar frå Solbergelva i tidlegare Nedre Eiker kommune. Reinsve vann prisen for beste kvinnelege hovudrolle på Filmfestivalen i Cannes i 2021 for si rolle i Joachim Trier sin filmkomedie Verdens verste menneske.[1][2] Dette var hennar fyrste hovudrolle på filmlerretet.[2][3][4]

Renate Reinsve

Fødd24. november 1987 (36 år)
FødestadNedre Eiker kommune
Verka somskodespelar
PrisarHeddaprisen for beste kvinnelige medspiller, Beste kvinnelige skuespiller ved filmfestivalen i Cannes, Amandaprisen for beste kvinnelige hovedrolle

Karriere endre

Utdanning og skodespelardebut endre

Reinsve er utdanna ved Teaterhøgskolen (2013) og debuterte i Peer Gynt på Trøndelag Teater i 2014.[5]

Prisar (utval) endre

I 2014 vann Reinsve Heddaprisen for beste kvinnelege medspelar for rolla som lærar i oppsetjinga av Friedrich Dürrenmatt sitt Besøk av gammel dame, regissert av Tyra Tønnessen på Trøndelag Teater.[6] I 2016 vart ho nominert til Amandaprisen for beste kvinnelege birolle i filmen Welcome to Norway.[7]

Nesten voksen (2018) endre

I 2018 hadde Reinsve ei av hovudrollene i situasjonskomedien Nesten voksen, som vart send på NRK.[7]

Verdens verste menneske (2021) endre

På Filmfestivalen i Cannes i 2021 fekk Reinsve sitt store gjennombrot som skodespelar, då hennar innsats som hovudrolleinnehavar i filmkomedien til Joachim Trier Verdens verste menneske vart hylla av både internasjonale og norske filmmeldarar.[3][8][9] Filmen deltok i hovudtevlinga på Cannes-festivalen dette året. Filmmeldaren i den engelske avisa The Guardian, Peter Bradshaw, kalla prestasjonen hennar for «sublim», og avslutta si melding med å seia om Reinsve: «A star is born.»[10] I eit intervju opplyste Reinsve at hovudrolla i filmen var skriven spesielt for henne.[11] På den siste dagen under Cannes-festivalen vart Reinsve tildelt prisen for beste kvinnelege hovudrolle for rolla som Julie.[12]

Filmografi endre

Renate Reinsve spelte si fyrste filmrolle i spelefilmen Oslo, 31. august, som hadde kinopremiere i 2011. Sidan har ho medverka i fleire andre filmar og TV-seriar:[13][14]

  • 2011: Oslo, 31. august (spelefilm) – som Renate. Regi: Joachim Trier.
  • 2012: Kompani Orheim (spelefilm) – som Lene. Regi: Arild Andresen.
  • 2015: Villmark 2 (spelefilm) – som Synne. Regi: Pål Øie.
  • 2015: Mysteriet på Sommerbåten (TV-serie) – som ein aktuar. Regi: Hallvar Witzø.
  • 2015: Kvinner i for store herreskjorter (spelefilm) – som Ane. Regi: Yngvild Sve Flikka.
  • 2015: Skyggene av byen (kortfilm) - som Maria. Regi: Christoffer Wollebekk.
  • 2016: Welcome to Norway (spelefilm) – som Line. Regi: Rune Denstad Langlo.
  • 2017: Ekspedisjon Knerten (spelefilm) – som mora til Lillebror og Philip. Regi: Andreas J. Riiser.
  • 2017: Små, søte kaker (kortfilm) – som Anne. Regi: Henry K. Norvalls.[15]
  • 2018: Nesten voksen (TV-serie) – som Siri. Regi: Thale Persen og Per Harald Kårstad.[16]
  • 2018: Roeng (TV-serie) – som Lena. Regi: Anne Bjørnstad, Eilif Skodvin og Tomas Solli.[17]
  • 2018: De Hensynsløse (kortfilm) – som Silje. Regi: Rikke Gregersen.[18]
  • 2018: Føniks (spelefilm) – som Kristin. Regi: Camilla Strøm Henriksen.[19]
  • 2018: Hvite gutter (TV-serie) – som Frida.
  • 2020: The Affected (kortfilm) – som Rita. Regi: Rikka Gregersen.[20]
  • 2021: Verdens verste menneske (spelefilm) – som Julie (hovudrolle). Regi: Joachim Trier

Referansar endre

  1. ↑ «Vann pris for beste kvinnelege skodespelar». 17. juli 2021. Henta 17. juli 2021. 
  2. ↑ 2,0 2,1 «Cannes 2021: la Norvégienne Renate Reinsve, prix d'interprétation féminine» (på fransk). 17. juli 2021. Henta 17. juli 2021. 
  3. ↑ 3,0 3,1 «Verdens verste menneske» (på norsk). 9. juli 2021. Henta 17. juli 2021. 
  4. ↑ Kjartan Brügger Bjånesøy: Det er ikke sånn at jeg plutselig dukket opp fra ingenting' - Intervju med Renate Reinsve i A-magasinet/Aftenposten 8. oktober 2021
  5. ↑ «Renate Reinsve - Trøndelag Teater» (på norsk). Henta 18. juli 2021. 
  6. ↑ «Heddaprisen | Vinnere». 21. februar 2018. Henta 3. april 2018. 
  7. ↑ 7,0 7,1 «Renate Reinsve i ny NRK-komiserie». www.dt.no (på norsk). 30. desember 2017. «Renate Reinsve fra Solbergelva spiller en av hovedrollene i NRKs nye situasjonskomedie «Nesten voksen».» 
  8. ↑ «Norges nye stjerneskudd har allerede fått internasjonalt filmtilbud» (på norsk bokmål). 16. juli 2021. Henta 17. juli 2021. 
  9. ↑ Ekern, Simen (14. juli 2021). «Renate Reinsve (33) har tatt Cannes-festivalen med storm» (på norsk bokmål). Henta 17. juli 2021. 
  10. ↑ «The Worst Person in the World review – Nordic romcom is an instant classic» (på engelsk). 8. juli 2021. Henta 17. juli 2021. 
  11. ↑ «Renate Reinsve: – Rollen som Julie er skrevet spesielt for meg» (på norsk bokmål). 9. februar 2021. Henta 17. juli 2021. 
  12. ↑ «Norsk jubel i Cannes - vant skuespillerpris på første forsøk» (på norsk). 17. juli 2021. Henta 17. juli 2021. 
  13. ↑ «Renate Reinsve». Trøndelag Teater. 
  14. ↑ «Renate Reinsve». Henta 4. januar 2017. 
  15. ↑ «Sweet Things (2017) - IMDb». Henta 12. september 2021. 
  16. ↑ «Nesten voksen (TV Series 2018– ) - IMDb». Henta 12. september 2021. 
  17. ↑ «Roeng (TV Series 2018– ) - IMDb». Henta 12. september 2021. 
  18. ↑ «Dog Eat Dog (2018) - IMDb». Henta 12. september 2021. 
  19. ↑ «Føniks (2018) - IMDb» (på engelsk). Henta 12. september 2021. 
  20. ↑ «The Affected (2020) - IMDb». Henta 12. september 2021. 
Henta frå «https://nn.wikipedia.org/w/index.php?title=Renate_Reinsve&oldid=3346360»