Wikipedia

Reve-enka

eventyr

Reve-enka er eit norsk dyreeventyr frå Asbjørnsen og Moe si samling av norske folkeeventyr utgjeve frå 1841 til 1844.[1] Eventyret er eit av dei mest folkekjære Asbjørnsen og Moe har samla inn, og blir sett på som eit klassisk norsk eventyr. Reve-enka er også namnet på ein norsk dokkefilm frå 1962. Filmen er basert på dette eventyret.

Illustrasjon av Theodor Kittelsen til det norske folkeeventyret «Reveenka»[1] i Barne-Eventyr av Asbjørnsen og Moe (1915).

Handling

endre

Eventyret fortel om eit revepar der ektemannen døyr etter å ha ete for mykje høns hjå bonden. Enkja blir seinare vitja av ein serie med friarar: Ein bjørn, ein ulv, ein hare og til sist ein rev. Tenestejenta hennar, ei kjette, snakkar med kvar av dei etter tur, men får beskjed om å senda dei vekk heilt til reven kjem. Han vil reve-enkja ha, dei gifter seg, og bur saman i revehuset «den dag i dag» om ikkje han også har vore i hønsegarden.

Dokkefilmen

endre

Dokkefilmen blei produsert og regissert av Ivo Caprino. Filmen følgjer handlinga som skjer i dette eventyret, men byrjar med ein bolk som viser eventyrsamlaren Asbjørnsen på besøk i ei stove. Stoveeigaren Gurine byrjar å fortelja eventyret for han og niesa si, og filmen fortset som dokkefilm.

I tillegg til «Reve-enka» har Ivo Caprino teke med ein karakter til; haren frå «Haren som hadde vært gift».[2] Han var ein glad og hoppande hare. Haren fortel reven at han blei gift, fekk eit troll til kjerring, fekk ei stove og blei rik, men at alt brann ned – og «kjerringa med». Dei andre friarane er tilsynelatande frekke mot haren, og truger med å ete han opp.

Rolleliste

endre

Anna

endre

Kjelder

endre
  1. ↑ 1,0 1,1 Folkeeventyret Reve-enka
  2. ↑ Eventyret Haren som hadde vært gift
Henta frå «https://nn.wikipedia.org/w/index.php?title=Reve-enka&oldid=3520024»