Ria Stalman
Ria Stalman, fullt namn Maria Geertruida Stalman, (fødd 11. desember 1951) er ein nederlandsk tidlegare friidrettsutøvar frå Delft i Zuid-Holland som vart olympisk meister i diskoskasting i 1984.
| Ria Stalman | |
 | |
| Statsborgarskap | Kongeriket Nederlanda |
| Fødd | 11. desember 1951 (73 år) Delft |
| Yrke | friidrettsutøvar |
| Høgd | 180 centimeter |
| Ria Stalman på Commons | |
Aktiv
endre
Stalman tevla både i diskoskasting og kulestøyt, den siste øvinga oftast berre i nasjonale stemne. I tida 1973-83 vann ti nederlandske meisterskap i diskoskast og sikra seg åra 1976-83 fem nasjonale meistertitlar i kulestøyt. I 1978 vann ho diskostevlinga under den nordamerikanske studentmeisterskapen (NCAA).
Frå våren 1981 til våren 1983 forbetra Stalman den nederlandske rekorden i diskoskast ei rekke gongar, og med til saman i kring ni meter, alle gongane i anten Tempe eller Walnut i USA. Sist til 67,20 m i Walnut 24. april 1983. I OL-sesongen 1984 pynta ho på rekorden med få dagars mellomrom i juni, ho fekk målt 67,58 m i San Jose. Dagen etter sette ho også nederlandsk rekord i kule med eit støyt på 18,02 m. Men den store smellen kom 15. juli i Walnut, der ho under gunstige forhold smelte diskosen 71,22 meter. Fire veker seinare sikra ho seg gullmedaljen under sommarleikane 1984 i Los Angeles med eit bestekast på 65,36 m. Ho la opp etter 1984-sesongen,
Medaljar og plasseringar i internasjonale meisterskap
endre- EM 1982 i Aten: Nr 12 – 58,48 m
- VM 1983 i Helsinki: Nr 7 – 63,76 m
- OL 1984 i Los Angeles: Gull i diskos – 65,36 m, framfor Leslie Deniz (64,86 m)
Doping
endreVinteren 2016 fortalde Stalman at ho hadde brukt anabole steroidar i tida før OL 1984.
Kjelder
endre- Denne artikkelen bygger på «Ria Stalman» frå Wikipedia på engelsk, den 1. juli 2017.
- Denne artikkelen bygger på «Ria Stalman» frå Wikipedia på nederlandsk, den 1. juli 2017.