Richard Eriksen
Richard Eriksen (24. mars 1869–27. desember 1941) var ein norsk filosof, forfattar og journalist. Han var både fødd og døydde i Oslo.
| Richard Eriksen | |
| Statsborgarskap | Noreg |
| Fødd | 24. mars 1869 |
| Død |
27. desember 1941 (72 år) |
| Yrke | filosof |
Eriksen arbeidde i mange år i Norsk Telegrambyrå. Elles sysla han med filosofiske spørsmål, var ei tid mellom anna oppteken av okkultisme og spiritisme. Tidleg i 1900-åra gjekk han over til teosofien.
I 1911 la Eriksen fram avhandlinga Jeget og tænkningen for doktorgraden, ei avhandling domsnemnda forkasta som uvitskapleg. Dette førte til ein langvarig strid om åndsfridomen ved Universitetet i Oslo. Soialøkonomen Oskar Jæger var forkjempar for Eriksen si sak. I 1915 vart Eriksen doktor på ei ny avhandling, den eksperimtalpsykologiske Tænkningens psykologiske utviklingsbetingelser. Han vart i 1916 universitetsstipendiat i filosofi, året etter fekk han statsstipend.
Eriksen gav ut ei rad kulturfilosofiske og psykologiske verk, både før og etter han fekk godkjent doktoravhandlinga si.
Verk
endre- Det oversanselige, 1891
- Spiritismen, dens rette betydning og værd, 1893
- Sjælens gaade, 1893
- Indledning til teosfi, 1908
- Skjulte sider av mennesket og dets udvikling, 1909
- Tidens kurs. En populær udsikt over nye tankeretninger, 1912
- Sjælen og videnskapen, 1918
- Det religiøse problem, 1920
- Conciousness, life and the fourth dimension, 1920
- Skapelse og utvikling, 1927
- Erotikk og livsanskulese, 1928
- Eros, psykoanalyse og religion, 1930
- Faser og kriser i personlighetens utvikling, 1932
Kjelder
endre- Norsk Allkunnebok, IV. bandet, 1952
Bakgrunnsstoff
endre- Digitaliserte bøker av Eriksen på NBdigital