Rodica Mateescu

Rodica Mateescu, fødd Petrescu, (fødd 13. mars 1971) er ein rumensk tidlegare friidrettsutøvar frå Bucuresti som vann sølvmedaljen i tresteghopp under verdsmeisterskapen 1997.

Rodica Mateescu
Statsborgarskap	Romania
Fødd	13. mars 1971 (53 år) București
Idrett	friidrett
Tok del i	Sommar-OL 1996

Aktiv

Rodica Petrescu, gift 1995 med hekkeløparen Mugur Mateescu, høyrde til verdseliten i tresteghopp frå 1994 til -98. Ho kom såleis på femteplass både i EM 1994 og VM 1995 og ho vart nummer 7 i OL 1996.

Under verdsmeisterskapen i Aten 4. august 1997 presterte Mateescu sitt livs beste hopp og landa på 15,16 meter i fyrste finaleomgang. Ho leia tevlinga til tsjekkiske Šárka Kašpárková i femte omgang også gjorde sitt livs beste tresteghopp og sikra seg gullmedaljen føre Mateescu. Året etter enda Mateescu på fjerdeplass ved EM 1998 med 14,46 m, 4 cm kortare enn bronsemedaljøren.

Åra 1994–1996 og 1998 vart ho rumensk meister i tresteghopp.

Doping

Sommaren 2000 vart Mateescu dømd for bruk av dopingmiddel og stengt ute frå friidrett i 2 år. Ho la opp i 2004, utan å ha vore i nærleiken av tidlegare toppnivå.

Medaljar og plasseringar i internasjonale meisterskap

• EM 1994 i Helsinki: Nr 5 – 14,42 m
• VM 1995 i Göteborg: Nr 5 – 14,82 m
• OL 1996 i Atlanta: Nr 7 – 14,21 m
• VM 1997 i Aten: Sølvmedalje – 15,16 m, bakom Šárka Kašpárková (15,20 m)
• EM 1998 i Budapest: Nr 4 – 14,46 m

Kjelder

• Denne artikkelen bygger på «Rodica Mateescu» frå Wikipedia på tysk, den 11. august 2020.

• «Rodica Mateescu» (på engelsk). Olympedia. Henta 8. mars 2023.