Rune Støstad
Rune Støstad (fødd 1972) er ein norsk byråkrat og politikar frå Vinstra i Nord-Fron kommune i Gudbrandsdalen. Han er sidan 2021 stortingsrepresentant for Arbeidarpartiet frå Oppland fylke.
| Rune Støstad | |||
| Fødd | 8. januar 1972 (52 år) | ||
|---|---|---|---|
| Statsborgar av | Noreg | ||
| Parti | Arbeidarpartiet | ||
| Yrke | politikar, journalist | ||
| Alle verv |
| ||
Støstad er utdanna journalist ved Høgskulen i Volda og sidan vidareutdanna i leiing ved Handelshøyskolen BI i Oslo. Han har vore tilsett i Norsk Rikskringkasting, Eidsiva Energi, Nord-Fron kommune og Lillehammer-Gudbrandsdal Kunnskapspark.
Frå 2011 var Størstad medlem i Nord-Fron kommunestyre, der han frå 2015 til -21 var ordførar. I 2021 vart han, saman med Rigmor Aasrud, vald inn på Stortinget som representant for Oppland og Arbeidarpartiet.
Støstad var først i Kommunal- og forvaltningskomiteen.I april 2024 bytta han til Næringskomiteen. Der er han andre nestleiar, og næringspolitisk talsperson for Arbeidarpartiet. [1]
Kjelder
endre- ↑ Brekke, Anja Ariel Tørnes (2. april 2024), «Tuva Moflag er ny finanspolitisk talsperson i Arbeiderpartiet», VG (på norsk), henta 24. juli 2024