Sabadell

Sabadell er ein by i Vallès Occidental i Catalonia i Spania. Han ligg ved elva Ripoll, 20 km nordvest for Barcelona. Sabadell ligg 190 meter over havet og har kring 200 000 innbyggjarar.

Sabadell


Flagget til Sabadell	Byvåpenet til Sabadell

Plassering

Styresmakter

Land

Spania

Borgarmeister

Manuel Bustos Garrido

Geografi

Flatevidd
- By

37,89 km²

Innbyggjarar
- Totalt (2008)
- folketettleik

203 969
5 383,2 /km²

Koordinatar

41°33′N 2°06′E / 41.550°N 2.100°E

Høgd over havet

190 moh

Diverse annan informasjon

Postnummer

08200 - 08208, 08805

Nettstad: www.sabadell.es

Sabadell var ein av føregangsbyane i den industrielle revolusjonen i Catalonia med tekstilmøllene som vart bygd her. På midten av 1800-talet var byen derfor den viktigaste ullprodusenten i Spania og vart kalla «den katalanske Manchester». Sjølv i dag står mange av møllene frå den tida att. I dag er Sabadell i hovudsak ein kommersiell by og industriby.

Sabadell er eit viktig trafikknutepunkt. To motorvegar gåe gjennom byen, og fleire andre vegar knyter Sabadell til dei nærliggande byane Terrassa, Sant Quirze del Vallès, Castellar del Vallès, Granollers, Barberà del Vallès, Cerdanyola del Vallès, Barcelona, Sant Cugat del Vallès, Rubí, Sentmenat og Molins de Rei. Byen ligg òg langs jernbanelinja frå Barcelona til Lleida. Sabadell har ein flyplass.

Historie

I romartida var byen ein liten landsby kalla Arragone nær staden der kyrkja La Salut i dag står. Landsbyen vokste til byen Arraona eller Arrahona i mellomalderen. Ein annan liten landsby vart bygd like på andre sida av elva. Denne landsbyen fekk namnet Sabadell og låg på ei slette. Sabadell var omgjeve av ein mur, men på grunn av folkeveksten på 1500-talet, vart nokre hus bygd utanfor bymurane. På denne tida dukka dei første tekstilindustriane opp i byen. Ullindustrien voks dei neste hundreåra og i 1800 hadde byen kring 2000 innbyggjarar. I 1856 kom jernbanen til byen og i 1877 fekk han bystatus. I 1897 hadde byen litt over 20 000 innbyggjarar. Byen hadde då vorte den viktigaste ullprodusenten i Spania og kleda frå byen var verdskjende.

Bakgrunnsstoff

Offisill side^{[daud lenkje]}

Kjelder

Denne artikkelen bygger på «Sabadell» frå Wikipedia på engelsk, den 10. november 2009.