Saksumdal kyrkje

Saksumdal kyrkje er ei langkyrkje frå 1875 i Lillehammer kommune, Oppland fylke, om lag ei mil vest for Lillehammer by.

Saksumdal kyrkje
Saksumdal kirke
Foto: Ole Anders Flatmo
Kyrkjesamfunn	Den norske kyrkja
Bispedøme	Hamar
Prosti	Sør-Gudbrandsdal
Sokn	Saksumdal
Fellesråd	Lillehammer
Type	Langkyrkje
Teknikk	Lafteverk
Material	Tre
Innvigd	26. august 1875
•  Endringar	1928, 1934 (sakristi), 1951, 2000
Tårn	I vest
Kyrkjegard	Ved kyrkja
Altartavle	Kristian Svendsrud
Sitjeplassar	130
Saksumdal kyrkje 61.11347889°N 10.305755°E / 61.11347889; 10.305755
Wikimedia Commons: Saksumdal kirke

Historie

Arbeidet med kyrkja tok til i 1874 etter at Anders Hovland hadde gjeve tomt til kapell. Murmeister Pedersen og snikkarmeister Kristian Svendsrud var leigde inn, medan resten av arbeidet vart gjort på dugnad. Saksumdølane stilte tømmer og arbeidskraft til disposisjon. Dei første åra hadde ikkje kyrkja omn, da det ikkje var murt pipe. Kapellet var vigsla 26. august 1875 av Halvor Olsen Folkestad. Bygget er i dag titulert som kyrkje.

Bygningen

Bygningen har vorte ein del endra. Det vart lagt inn straum i 1928 og bygd sakristi i 1934. I 1951 vart bygningen restaurert, og det vart sett inn blyglasvindauge. Ein har sidan fått gravkjellar, uthus og flaumljos. Rullestolrampe kom på plass på 1980-talet.

Interiør

Altertavla vart laga av snikkarmeister Svendsrud og gjeve til kyrkja som gåve av tomtegjevaren Anders Hovland. Det første orgelet kom i 1895 og er no erstatta med eit nytt.

På 1980-talet vart alteret utsmykka med tekstiler av tekstilkunstnaren Inger Holbø, som òg har laga messehakel.

I 2000 fekk kyrkjerommet bilete laga av biletkunstnar Borgny Farstad Svalastog.

Kjelder

• Denne artikkelen bygger på «Saksumdal kyrkje» frå Wikipedia på bokmål, den 1. august 2013.

Bakgrunnsstoff

• Kyrkjesøk – Saksumdal kirke
• Rasmussen, Alf Henry (1993). Våre kirker. Norsk kirkeleksikon. Kirkenær: Vanebo forlag. s. 602. ISBN 82-75-27022-7. 
• Saksumdal kyrkje i kulturminnesok.no, nettstaden til Riksantikvaren