Samovar

Samovar (russisk самовар) er ein tradisjonell tekokar kjend frå området rundt Russland og andre slaviske land, og dessutan i Tyrkia. Han skal ha blitt oppfunnen i Russland.

Samovar med tekanne i Riga i Latvia.

Elektrisk samovar

Opphavleg hadde samovaren eit metallrøyr i midten av ein vasstank. Røyret blei fylt med glødande trekol, som varma opp vatnet. Det kokande vatnet blei tappa ved hjelp av ei kran. Ofte har samovaren ei lita mugge konsentrert te på toppen. Ein heller litt konsentrat og fortynnar etter ønske med kokande vatn frå krana.

Samovarar finst i mange utformingar, og kjem no òg med elektrisk oppvarming.

Galleri

• 
  Barokk samovar frå 1700-talet, på ein sovjetisk frimerkeserie av samovarar frå 1989.
• 
  Tønneforma samovar frå tidlege 1800-talet.
• 
  Graskarforma samovar frå ca. 1830.
• 
  Samovar med form som ein antikk vase, ca. 1840.
• 
  Russisk samovar i sylv og emalje frå slutten av 1800-talet
• 
  Samovar av Georg Stephan Dorffer
• 
  Samovar av Gzjel-keramikk
• 
  Samovar med tekanne og susjkiar
• 
  Samovar i Tomsk museum
• 
  Samovar på eit bord. Måleri av Sergej Smirnov frå 1981

Kjelder

• Denne artikkelen bygger på «Samovar» frå Wikipedia på bokmål, og «Samovar» frå Wikipedia på dansk den 6. oktober 2021.

Bakgrunnsstoff

Commons har multimedium som gjeld: Samovar