Sarpsborg kyrkje
Sarpsborg kyrke er ei nygotisk langkyrkje i upussa tegl frå 1863 i Sarpsborg kommune i Østfold fylke. Ei kyrkje frå 1859 (arkitekt: Wilhelm von Hanno[1]) brann allereie i 1861, og Chr.H. Grosch fekk i oppdrag å byggje opp att kyrkja. Han inkorporerte delar av murane frå von Hanno si kyrkje i den nye kyrkja, som har 550 sitjeplassar i dag.
| Sarpsborg kyrkje | |||
| kyrkje | |||
 | |||
| Kyrkjesamfunn | Den norske kyrkja | ||
|---|---|---|---|
| Bispedøme | Borg | ||
| Prosti | Søndre Borgesyssel | ||
| Sokn | Sarpsborg | ||
| Fellesråd | Sarpsborg | ||
| Arkitekt | Christian Heinrich Grosch | ||
| Teknikk | Mur | ||
| Material | Teglstein | ||
| Innvigd | 1863 | ||
| Tårn | I nordvest | ||
| Kyrkjegard | Lagt ned | ||
| Preikestol | Teikna av Chr.H. Grosch | ||
| Døypefont | I sandstein, teikna av Wilhelm von Hanno | ||
| Sitjeplassar | 550 | ||
| Diverse | Glasmåleri av Karl Kristiansen (1918), Rolf Klemetsrud (1951) og Victor Sparre (1958), dei siste i koret | ||
 Sarpsborg kyrkje 59°16′57″N 11°06′40″E / 59.2824°N 11.111°E | |||
| Wikimedia Commons: Sarpsborg kirke | |||
Kyrkja fekk si noverande framtoning då ho vart sett i stand til hundreårsjubileet i 1959 etter ein plan av arkitekt Esben Poulsson. Då laga Victor Sparre glasmåleri til korvindauga, og det altarbiletet som hadde vore i bruk til då, vart flytta til eit sideskip. Biletet vart måla av Christen Brun i kopi etter altarbiletet i Tyristrand kyrkje (måla av Adolph Tidemand).
Området rundt kyrkja vert ikkje lengre nytta til kyrkjegard, men er gjort om til park. Det finst to andre kyrkjegardar (eller gravlundar) i byen, ved krematoriet (St. Olavs gravlund) og ved Tune kyrkje (Sarpsborg vestre gravlund).
Referansar
endre- ↑ Artemisia.no nemner også Heinrich Ernst Schirmer i samband med kyrkja.
Bakgrunnsstoff
endre- Christie, Sigrid og Håkon (1959). Norges kirker. Østfold II. Oslo: Riksantivariatet / Land og Kirke. s. 213-216.
- Pettersen, Tore Steinar (2008). Kirker i Østfold, Borg bispedømme. Fredrikstad: Tindlund Forlag. s. 172-175. ISBN 978-82-92923-09-2.
- Kyrkjesøk – Sarpsborg kirke Arkivert 2014-03-27 ved Wayback Machine.
- Sarpsborg kyrkjelege fellesråd
- Rasmussen, Alf Henry (1993). Våre kirker. Norsk kirkeleksikon. Kirkenær: Vanebo forlag. s. 679. ISBN 82-75-27022-7.
- Sarpsborg kommune Arkivert 2012-01-05 ved Wayback Machine.
- Sarpsborg kyrkje i kulturminnesok.no, nettstaden til Riksantikvaren