Satellite of Love

Satellite of Love Singel av Lou Reed frå albumet Transformer
A-side	«Vicious» (EuropA)
B-side	«Walk and Talk It» (Nord-Amerika og Australia)
Utgjeve	Februar 1973
Innspelt	1972
Studio	Trident Studios
Sjanger	Glamrock
Lengd	3:42
Selskap	RCA Records
Tekstforfattar	Lou Reed
Låtskrivar(ar)	Lou Reed
Produsent	David Bowie, Mick Ronson
Lou Reed-kronologi
«Walk on the Wild Side» (1972)	Satellite of Love	«Vicious» (1973)

«Satellite of Love» er ein av dei mest kjende songane til Lou Reed frå solokarrieren hans. Det er den andre singelen frå albumet hans Transformer frå 1972. Singelen vart ikkje særleg suksessrik då han kom ut, men har seinare vorte ein slager på konsertane og samlealbuma hans.

Bakgrunn og innspeling

Songen er om ein mann som observerer ein satellittoppskyting på fjernsynet og tenkjer over det Reed skildrar som den «verste forma for sjalusi» om den utru kjæraste hans. Refrenget er:

I watched it for a little while

I love to watch things on tv

Satellite of love

Satellite of love

David Bowie, som produserte albumet, syng korvokal på songen.

Sjølv om det ofte vert rekna som ein solosong av Reed, vart han opphavleg spelt inn av The Velvet Underground. Bandet spelte songen på konsertar og spelte han inn i 1970 under innspelinga av Loaded, men som mange av songane spelt inn på denne tida, kom han ikkje med på albumet. Velvet Underground-versjonen var i stor grad ukjend eller gløymd fram til han kom ut på plateboksen Peel Slowly and See i 1995. Han finst òg på dobbelplateutgåva av Loaded frå 1997.

Andre versjonar

• U2 spelte inn ein versjon av songen på singelen «One» i 1992. Songen vart framført på Zoo TV-turneen til bandet tidleg på 1990-talet.
• Ein nyinnspeling av «Satellite of Love», kalla «Satellite of Love '04», vart gjeven ut i Storbritannia i 2004 og nådde 10. plass på singellista.
• Skodespelarinne Milla Jovovich framførte songen i filmen The Million Dollar Hotel med MDH band, ei gruppe som bestod av mellom andre Bono og The Edge.
• Andre artistar som har spelt inn songen er mellom andre The Bravery, Perry Farrell, Martin Plaza, The Ukulele Orchestra of Great Britain, Porno for Pyros, Eurythmics, The Polyamorous Affair, Danny Saber og Morrissey.