Sawasjøen

Sawasjøen (arabisk بحيرة ساوة) er ein endorheisk innsjø i Muthanna guvernement nær Eufrat i Irak. Han ligg 23 km vest for Al-Samawa. Innsjøen har ingen tilsig eller utsig, men får vatn frå Eufrat gjennom eit system av sprekker som transporter vatn under bakken. Vassnivået varierer frå tørke- til regntidene. Innsjøen tørkar ikkje inn, fordi det er likevekt mellom vasstilførselen og fordampinga.

Sawasjøen
innsjø
Land	Irak
Guvernement	Muthanna guvernement
Koordinatar	31°18′46.3″N 44°57′36.6″E
Lengd	4,74 km
Breidd	1,77 km
Areal	12,5 km²
Innsjøtype	Endorheisk innsjø
Sawasjøen 31.3125°N 45.004166666667°E / 31.3125; 45.004166666667
Kart som viser Sawasjøen. Kart som viser Sawasjøen.
Wikimedia Commons: Sawa Lake

April 2022 hadde innsjøen tørka bort.

Skildring

Sawasjøen er ein unik innsjø i Irak og blant innsjøane med høgast saltinnhald i Irak. Innsjøen har ei langstrekt form og er 4,47 km lang og 1,77 km brei. Det er fleire rare faktorar med innsjøen. Ein av dei er at vassflata ligg 1-4 høgare enn det meste av landområdet rundt, og sjølv 5–7 m høgare enn Eufat som renn i nærleiken. Ein gipsformasjon ligg kring innsjøen og somme stader er formasjonen seks meter høg. Formasjonane er blitt danna av fordamping av det salte vatnet og saltsediment som er avsett på overflata.

Dyre- og planteliv

På grunn av det salte vatnet, veks det ikkje planter i eller nær innsjøen. I sjøen lever det algar og ein fiskeart, arabisk tannkarpe. Det er mykje fugl rundt innsjøen, 25 artar med fastbuande og trekkfuglar er obsertvert i og kring innsjøen. Innsjøen har stort sett vadefugl som ender og sothøner.

Kjelder

• Denne artikkelen bygger på «Sawa lake» frå Wikipedia på engelsk, den 11. september 2017.
  • Wikipedia på engelsk oppgav desse kjeldene: