Septuaginta

Septuaginta
	Ἡ μετάφρασις τῶν Ἑβδομήκοντα
	;
Språk	Jewish Koine Greek
Sjanger	bibelomsetjing

Septuaginta er ei før-kristen omsetting av Det gamle testamentet og nokre nærskylde skrifter til gresk. Ho blir først nemnd i brev frå Aristeas. Brevet er falskt, men vart skrive omkring 200 fvt. I brevet blir det fortalt at 72 lærde jødar, seks frå kvar av dei tolv israelske stammane, stod bak omsettinga. Frå dette kjem namnet septuaginta, som er gresk for 70. I teologisk litteratur blir tittelen ofte korta ned til romertalet LXX.

Samlinga inneheld 46 gammaltestamentlege bøker, det vil si dei 39 bøkene i den jødiske kanon (i jødisk tradisjon blir desse delt opp i berre 24 bøker) samt dei deuterokanoniske skriftene. Dei sistnemnte, som det er sju av, utgjer ein del av den katolske og den ortodokse Bibelen. I motsetnad til ein del moderne bibelutgåver der dei deuterokanoniske bøkene er tatt med, er desse ikkje plassert i ein egen del, men er sett mellom dei andre bøkene i en forsøksvis kronologisk/tematisk orden. I tillegg til desse kjem fire skrifter og ein salme som berre er rekna som kanoniske i nokre einskilde kyrkjesamfunn. Septuaginta er den offisielle versjon av Det gamle testamentet i Den ortodokse kyrkja, sjølv om nokre av bøkene ikkje blir rekna som kanoniske.

Den jødiske kanonen

Dei deuterokanoniske bøkene

Tobit
Judit
Den greske Ester-boka (blir ikkje talt som ei eiga bok, men som tillegg til Esters bok)
Visdomens bok
Sirak
Baruk
Tillegg til Daniels bok (blir ikkje talt som ei eiga bok, men som tillegg til Daniels bok)
Første Makkabeerbok
Andre Makkabeerbok

Tillegg

Jeremias brev
Manasses bønn
Tredje Esra (Første Esdras)
Fjerde Esra (Andre Esdras)
Salme 151