Lailat al bara'ah

(Omdirigert frå Shab-e-barat)

Lailat al bara'ah ('frelsenatta') eller sjabe bara'ah ('tilgjevingsnatta') er ei muslimsk høgtid feira om natta den 15. sjabán, to veker før byrjinga av ramadan. Høgtida blir markert av sunnimuslimar frå Sør- og Sentral-Asia, men ikkje av dei arabiske salafi- eller wahhabirørslene. Sjiamuslimar feirar henne som fødselsdagen til Muhammad al-Mahdi, den tolvte imamen.

Feiring av lailat al bara'ah ved Jamkaran-moskéen i Qom i Iran.

Høgtida blir brukt til å be om tilgjeving for synd, anten heime eller i moskéen. Ein kan vitja graver og gje almisser. Nokre stader blir kvelden også markert med fyrverkeri.

Kjelder endre