Shanice Craft

Shanice Craft (fødd 15. mai 1993) er ein tysk friidrettsutøvar frå Mannheim som tevlar i diskoskasting og kulestøyting. Ho vann bronsemedaljen i diskoskast tre europameisterskap på rad, 2014-18.

Shanice Craft
Statsborgarskap	Tyskland
Fødd	15. mai 1993 (31 år) Mannheim
Idrett	friidrett
Tok del i	Sommer-OL for ungdom 2010, Sommar-OL 2016

Aktiv

Craft smelte til med eit diskoskast på 65,88 meter under den tyske friidrettsmeisterskapen i Ulm 26. juli 2014, eit kast som framleis i 2021 er hennar personbeste i øvinga. Tre veker etter den nasjonale meisterskapen i Ulm oppnådde ho 64,33 m i øvinga ved EM 2014, meir enn nok til bronsemedalje. To år seinare sikra ho seg ein ny EM-bronse gjennom eit kast på 63,89 m. Sommaren 2018 vart ho med eit kast på 62,89 m i Nürnberg tysk diskosmeister for andre gong. Ho fylgde opp med 62,46 m og bronse ved EM 2018 i Berlin.

Craft sin personlege rekord i kulestøyt er på 17,75 meter, ein prestasjon som gav henne bronsen i den tyske 2014-meisterskapen i Ulm.

Medaljar og plasseringar i internasjonale meisterskap

• EM 2014 i Zürich: Bronsemedalje i diskos – 64,33 m
• VM 2015 i Beijing: Nr 7 i diskos – 63,10 m
• EM 2016 i Amsterdam: Bronsemedalje i diskos – 63,89 m
• OL 2016 i Rio de Janeiro: Nr 11 i diskos – 59,85 m
• EM 2018 i Berlin: Bronsemedalje i diskos – 62,46 m
• VM 2022 i Eugene: Nr 9 i diskos – 62,35 m
• EM 2022 i München: Nr 7 i diskos – 62,78 m
• VM 2023 i Budapest: Nr 7 i diskos – 65,47 m
• EM 2024 i Roma: Nr 6 i diskos – 61,73 m

Kjelder

• Denne artikkelen bygger på «Shanice Craft» frå Wikipedia på tysk, den 27. juni 2021.