Show Boat
Teaterbåten (engelsk Show Boat) er ein USA-amerikansk musikal frå 1927 med musikk av Jerome Kern og tekst av Oscar Hammerstein. Musikalen byggjer på ein populær roman av Edna Ferber frå 1926. Han er blitt filmatisert ei rekkje gonger. Fleire songar, som «Ol' Man River», «Make Believe» og «Can't Help Lovin' Dat Man», er blitt kjende utanfor musikalen.
Show Boat skilde seg frå samtidige musikalar ved å ha ei meir realistisk og samanhengjande handling enn det som var vanleg. Han vekte også oppsikt gjennom å ta opp tilhøve mellom rasane i Sørstatane.
Handling
endreShow Boat har to akter. Handlinga i første akt finn stad rundt ein teaterbåt på Mississippi-elva i 1887, andre akt finn stad i Chicago frå 1893 til 1927.
Framføringar
endreTeaterbåten hade urpremiere ved Ziegfield Theatre i New York den 27. desember 1927. Songaren og skodespelaren Paul Robeson byrja karrieren sin med rolla som Joe i stykket då det blei oppført i London i 1928. Noregspremieren fann sted ved Det Norske Teatret i 1950, under tittelen Teaterbåten, og i regi ved svenske Leif Amble-Næss. Lasse Kolstad spelte rolla som Joe, og som dei andre svarte i ensemblet spelte han sminka i blackface.
Show Boat ble filmatisert i 1929 (stumfilm og delvis lydfilm av Universal), 1936 (lydfilm av Universal med manus av Oscar Hammerstein) og i 1951 (av MGM).
Kjelder
endre- «Show Boat» (27. desember 2013), Store norske leksikon.
- Denne artikkelen bygger på «Show Boat» frå Wikipedia på engelsk, den 27. august 2014.