Siri Hatlen
Siri Beate Hatlen (fødd 5. mai 1957) er ein norsk sivilingeniør frå Noregs tekniske høgskole i 1980. Hatlen har sidan 2007 vore konserndirektør i Statkraft.
| Siri Hatlen | |||
 | |||
| Fødd | 5. mai 1957 Bærum kommune | ||
|---|---|---|---|
| Nasjonalitet | Noreg | ||
| Yrke | sivilingeniør | ||
| Alma mater | Noregs tekniske høgskole | ||
Hatlen hadde ulike leiarstillingar i Statoil frå 1984 til 1996.[1] Etter det har ho arbeidd som konsulent og styremedlem ved ei rekkje verksemder, særleg i offentleg sektor. Ho var styreleiar i det statlege helseføretaket Helse Øst, og var ynskt som styreleiar i Helse Sør-Øst, men takka nei då helseminister Sylvia Brustad tilsette toppsjefen på eiga hand.[2]
Hatlen er styreleiar i Vinmonopolet og Samlaget og styremedlem i Norsk Bremuseum, NTNU, Kongsberggruppen og Scanarc. Ho har tidlegare vore styreleiar i det statlege industrireisingsføretaket Siva, Undervisningsbygg og Statens lånekasse for utdanning. Hatlen har òg vore styremedlem i Oslo Lufthavn AS.
Ho er gift med Birger Magnus, konserndirektør i medieverksemda Schibsted, som ho òg har fire ungar med. Hatlen har, som mannen sin, også ein MBA frå INSEAD i Frankrike.
Hatlen skal vere president i Den olympiske organisasjonskomitéen for vinter-OL for ungdom 2016 på Lillehammer.[3]
Fotnotar
endre- ↑ Dagens Næringsliv 21. april 2007: «Styrkvinnen»
- ↑ Aftenposten: «Sa nei til Brustad»
- ↑ Businesswoman appointed head of Lillehammer 2016