Sissle
Sissle er ei 16 km lang elv i den sveitsiske kantonen Aargau i Sveits. Ho er ei sideelv til Rhinen og drenerer austlege delar av Fricktal. Den største byen ved elva er Frick.
| Sissle | |||
| elv | |||
 | |||
| Land |  Sveits
| ||
|---|---|---|---|
| Kanton | Aargau | ||
| Lengd | 16 km | ||
| Kjelde | Sørsida av fjellet Dreierberg i Schinznach-Dorf | ||
| • høgd | 650 moh. | ||
| Munning | Hochrhein | ||
| - stad | Sisseln | ||
| - koordinatar | 47°33′15″N 7°58′54″E / 47.55417°N 7.98167°E | ||
 Sissle 47°33′15″N 7°58′54″E / 47.5542°N 7.98167°E | |||
| Wikimedia Commons: Sissle | |||
Elva spring ut i kommunane Schinznach-Dorf og Thalheim i ei høgd på 650 meter over havet på sørsida av fjellet Dreierberg og nordsida av Zeiher Homberg i Jurafjella. Like etter kjelda renn elva gjennom eit bergpass mellom Dreierberg og Zeiher Homberg og fell raskt nedover. Ho renn gjennom Talmatt og langs grensa til Zeihen. Etter om lag 2,5 km renn Sissle forbi Effingen jernbanestasjon og den vestlege inngangen til Bözbergtunnelen, om lag 450 meter over havet. Elva måtte her kanaliserast då jernbanen vart bygd.
Frå her og vidare er landskapet relativt flatt og elva følgjer motorvegen A3. Ho renn stort sett fritt fram til Hornussen og er så kanalisert fram til Eiken, der ho svingar nordover og går inn i Rhindalen. Ho tek imot elva Bruggbach frå venstre, som kjem frå Wittnau. Dei siste 2,5 km av Sissle dannar ho store meander. Ho endar ved landsbyen Sisseln, der ho munnar ut i Hochrhein ved 290 moh.
Kjelder
endre- Denne artikkelen bygger på «Sissle» frå Wikipedia på engelsk, den 8. mars 2012.
- Wikipedia på engelsk oppgav desse kjeldene:
- Den tyske versjonen av artikkelen.