Sjokoladen Hobby
Hobby er ein sjokolade som Nidar AS lagar og distribuerer. Produktet vart introdusert i 1973.
Sjokoladen Hobby er ihopsett av eitt lag med gelé med banansmak og eitt lag med mjukt, søtt skum som blir pressa saman og dekt med mjølkesjokolade.
I tillegg til sjokoladen på 48 gram, kan ein finne Hobby i godteposane «Nidar Favorittar» og «Smågodt Favorittar».
Historia
endreI 1973 var Hobby selt som ein sjokolade på 12 gram. I 1978 vart ein større variant på 30 gram introdusert og tok ein stor part av salet frå den førre, litle varianten. I 1980 lanserte Nidar endå ein variant; Hobby på 48 gram, som er den einaste typen av Hobby-sjokoladen som er i sal i dag. I 1989 og 1990 lanserte Nidar to nye smakar på Hobby-sjokoladen; Bringebær og tutti frutti. Desse to kom ikkje til å bli populære nok, og vart fort fjerna frå butikkhyllene.