Sjur Bygd

Sjur Bygd (28. april 1889–29. oktober 1985) var ein norsk forfattar, gardbrukar, ordførar og banksjef busett i Myrkdalen på Voss. Han debuterte i 1915 med novellesamlinga «Fjell-folk».

Sjur Bygd
Nasjonalitet	Norsk
Statsborgarskap	Noreg
Fødd	28. april 1889 Myrkdalen
Død	29. oktober 1985 (96 år)
Periode	1915 - 1970
Debut	Fjell-folk

Litterær produksjon

Sjur Bygd debuterte med Fjellfolk i 1915, ei samling forteljingar frå ei avstengd vestlandsbygd. I romanen Holmgang (1917) skildra Bygd dei psykologiske føresetnadane for ein bygdestrid. Det same gjer den store romanen Valplassen (1921). Eit av Bygd sine fremste verk, Luftspeglingar (1925) er ei samling noveller med same miljø. Andre betydelege romanar er I hamskifte (1949) og Mot blå berg (1957). Bygd var ein skarp psykolog, og kjende dei løynde tildriva i menneska, krokvegane deira, hyklarskapen, naturangsten og religiøsiteten. Med sin knappe stil og friske synsbilete skreiv han levande situasjonar om norsk folk og kultur.

Bøker

• 1915 - Fjell-folk
• 1917 - Holmgang
• 1921 - Valplassen
• 1925 - Luftspeglingar. Nokre bilæte
• 1949 - I hamskifte
• 1954 - Draumen
• 1957 - Mot blå berg
• 1970 - Mannen og natta

Sjur Bygd vann Melsom-prisen i 1955, og i 1976 fekk han Kongens fortenestemedalje i gull for innsatsen sin som bankmann, politikar og diktar.

Bakgrunnsstoff

• Digitaliserte bøker av Sjur Bygd hjå Nasjonalbiblioteket
• Mads Liland: «Sjur Bygd» i Norsk Biografisk Leksikon, 2. utg (2000)
• «Sjur Bygd» av Eirik Helleve på Allkunne
• Sjur Bygd. Om bøkene hans og bruken av vossamålet av Andreas Bjørkum (2012)
• Kjølv Egeland (1996). «Heimstad, historie og arbeidsliv : Sjur Bygd». Norges litteraturhistorie : Mellomkrigstid. Oslo: Cappelen. s. 276. ISBN 8202154731. 
• «Bygd, Sjur» av Johannes Andreasson Dale i Norsk allkunnebok (1949)
• «Sjur Bygd – ein sermerkt forfattarprofil» (del 1) av Nils Hellesnes i Syn og Segn (1941), (del 2)
•  Det skjulte Norge, s 71–83, av Jørgen Bukdahl (1926)