Skapolitt

Skapolitt, tidlegare werneritt, ei gruppe tetragonale mineral som kjemisk står plagioklas-feltspata nær. Fargen er vanlegvis kvit eller grå. Den kjemiske samansetjinga kan uttrykkjast som ei gruppe på tre feltspatmolekyl knytte til natriumklorid eller kalsiumkarbonat: 3NaAlSi₃O₈·NaCl (endeleddet marialitt) og 3CaAl₂Si₂O₈·CaCO₃ (endeleddet meionitt). Blandingsledd mellom desse blir kalla mizzonitt og dipyr.

Skapolittgruppa
Skapolitt frå Madagaskar
Generelt
Kategori	Tektosilikat

Skapolittmineral er temmeleg utbreidd. Det finst i Noreg mellom anna i kontaktsonene til Oslofeltet, i gabbroar, på apatittgangar og i einskilde granittpegmatittar i området Bamble–Arendal. Skapolitt er ofte danna på rekning av plagioklas ved tilførsel av klorhaldige løysingar.

Kjelder

• Skapolitt. (14. februar 2009). I Store norske leksikon. Henta 14. februar 2014 frå http://snl.no/skapolitt.