Noregsmeisterskapen på skeiser 1994 i firkamp for menn vart avvikla fredag 4. og laurdag 5. mars i Larvik. Johann Olav Koss frå SK-94 vart norsk meister i firkamp for femte gong i rad.
Grunna mildver og «sørpeføre» vart meisterskapen avslutta med 3 000 meter i staden for 10 000 meter. Det vekte oppsikt at Atle Vårvik på den avsluttande distansen stilte med «stjert, spoiler og nakkepute», og viste seg å ha stor fordel av utstyret.