Skotfoss
Skotfoss er eit bustadområde i Skien kommune i Telemark. Staden ligg ved fossen med same namn, 5 km vest for bysenteret og er ein del av tettstaden Porsgrunn/Skien.
![](http://upload.wikimedia.org/wikipedia/commons/thumb/8/8f/Bebyggelse_ved_Meierelva.jpg/220px-Bebyggelse_ved_Meierelva.jpg)
Skotfoss er òg ein foss i Skienvassdraget ved utløpet til elva av Norsjø. Skien-Bandak-kanalen vert her ført opp i Norsjø gjennom Løveid sluser. Fossen er bygd ut med ein kraftstasjon på 24 MW; 10 m bruttofallhøgd.
Namnet «Skotfoss» kan ha opphav i ordet skot, som ofte er brukt om terreng høveleg til å velte tømmer ned i ei elv.